អា​ហ្វ​ហ្គា​នី​ស្ថាន៖ មន្ត្រី​សហរដ្ឋអាមេរិក​ពីរ​រូប​បាន​និយាយ​ថា បន្ទាប់ពី​រយៈពេល​ជិត​ ២០​ឆ្នាំ យោធា​សហរដ្ឋអាមេរិក​បាន​ចាក​ចេញពី​មូលដ្ឋានអាកាស Bagram Airfield ដែល​ជា​ចំណុច​កណ្តាល​នៃ​សង្គ្រាម​របស់​ខ្លួន​ដើម្បី​បណ្ដេញ​ពួក​តា​លី​បង់ និង​តាម​ប្រមាញ់អ្នក​ប្រព្រឹត្ត​ក្រុម​អាល់​កៃ​ដា ​ចំពោះ​ការវាយប្រហារ​ភេរវកម្ម​ថ្ងៃ​ទី​៩ ខែ​១១ ឆ្នាំ​២០០១ លើ​អគារ​ពាណិជ្ជកម្ម​សហរ​ដ្ឋអាមេរិក​។​

​មូលដ្ឋាន​អាកាស​ត្រូវ​បាន​ប្រគល់​ទៅ​ឱ្យ​កងកម្លាំង​សន្តិសុខ ​និង​ការពារ​ជាតិ​ប្រទេស​អា​ហ្វ​ហ្គា​នី​ស្ថាន​។​ មន្ត្រី​ម្នាក់​បាន​និយាយ​ថា ​មេបញ្ជាការ​ជាន់ខ្ពស់​រប​ស់​សហរដ្ឋអាមេរិក​នៅ​អា​ហ្វ​ហ្គា​នី​ស្ថាន ឧ​ត្ត​ម​សេនីយ៍ Austin S. Miller នៅតែ​រក្សា​នូវ​រាល់​សមត្ថភាព និង​ការ​អនុញ្ញាត​ដើម្បី​ការពារ​កងកម្លាំង​។ ការ​ដក​កងទ័ព​ចេញពី​មូលដ្ឋាន​អាកាស​ Bagram Airfield គឺជា​ការ​បង្ហាញ​យ៉ាង​ច្បាស់​ថា ​ចុងក្រោយ​នៃ​កងទ័ព​អាមេរិក ​២៥០០-៣.៥០០​នាក់​បាន​ចាក​ចេញពី​ប្រទេស​អា​ហ្វ​ហ្គា​នី​ស្ថាន ​ឬ​ជិត​ដល់​ពេល​ចាក​ចេញ រយៈពេល​ប៉ុន្មាន​ខែ​មុន​ការសន្យា​របស់​ប្រធានាធិបតី​លោក Joe Biden ដែលនិយាយ​ថា ​ពួកគេ​នឹង​ត្រូវ​បញ្ចប់​នៅ​ថ្ងៃ​ទី​១១ ខែ​កញ្ញា​។​

វា​ច្បាស់​ណាស់ ​បន្ទាប់ពី​ការប្រកាស​កាលពី​ពាក់កណ្ដាល​ខែ​មេសា​ថា ​សហរដ្ឋអាមេរិក​នឹង​បញ្ចប់​សង្គ្រាម​ជា​រៀង​រហូត ដែល​ការ​ចាក​ចេញ​របស់​ទា​ហាន​អាមេរិក និង​សម្ព័ន្ធមិត្ត​ NATO របស់​ខ្លួន​ប្រមាណ ៧.០០០​នាក់​នឹង​ជិត​ដល់​ថ្ងៃ​ទី​៤ ខែ​កក្កដា នៅ​ពេល​ដែល​សហរដ្ឋអាមេរិក​ប្រារព្ធ​ទិវា​ឯករាជ្យ​របស់​ខ្លួន​។ ទាហាន NATO ភាគច្រើន​បាន​ចាកចេញ​ដោយ​ស្ងាត់ស្ងៀម​រួច ទៅ​ហើយ​នៅ​សប្តាហ៍​នេះ​។ សហរដ្ឋអាមេរិក​បាន​បដិសេធ​មិន​និយាយ ​នៅ​ពេល​ណា​ដែល​ទាហាន​អាមេរិក​ចុងក្រោយ​នឹង​ចាក​ចេញពី​អា​ហ្វហ្គា​នី​ស្ថាន ​ដោយ​លើកឡើង​ពី​ការ​ព្រួយ​បារម្ភ​ផ្នែក​សន្តិសុខ ប៉ុន្តែ​ការ​ការពារ​អាកាសយានដ្ឋាន​អន្តរជាតិ Hamid Karzai នៅ​ទីក្រុង​កា​ប៊ុលនៅតែ​ត្រូវ​បាន​ចរចា​នៅឡើយ​។ ទាហាន​ទួរគី​ និង​សហរដ្ឋអាមេរិក​បច្ចុប្បន្ន​កំពុង​ការពារ​ព្រលាន​យន្តហោះ​នេះ​៕

អត្ថបទ៖ ប៊ុនថន