ថ្នាំគ្រាប់ចំនួន ៦៥លានគ្រាប់ត្រូវរឹបអូសបាននៅក្នុងប្រទេសហ្ស៊កដានី ឱសថ១៥លានគ្រាប់ ត្រូវរឹបអូសបាននៅក្នុងប្រទេសអារ៉ាប៊ីសាអ៊ូឌីត និងថ្នាំ៨៦លានគ្រាប់ ត្រូវរឹបអូសបាននៅក្នុងប្រទេសអារ៉ាប់រួម (UAE)។ ទាំងនេះគ្រាន់តែជាចំនួនមួយចំនួនតូចនៃបណ្តាប្រទេសឈូងសមុទ្រអារ៉ាប់ បានដោះស្រាយក្នុងប៉ុន្មានឆ្នាំថ្មីៗនេះ ខណៈដែលគ្រឿងញៀនCaptagon ត្រូវបានរត់ពន្ធទូទាំងតំបន់នេះ។

គ្រឿងញៀន Captagon គឺជាថ្នាំកម្លាំងប្រភេទអំហ្វេតាមីនសំយោគ ដែលមានការសារជាតិញៀនខ្លាំង ដែលពេញនិយមខ្លាំងនៅទូទាំងមជ្ឈឹមបូព៌ា។ វាត្រូវបានផលិតភាគច្រើននៅក្នុងប្រទេសស៊ីរី និងលីបង់ដោយបណ្តាញបុគ្គលដែលមានទំនាក់ទំនងជាមួយក្រុមហេសបូឡា (Hezbollah) និងកងវរសេនាធំទី៤ របស់យោធាស៊ីរី ដែលដឹកនាំដោយបងប្រុសរបស់ប្រធានាធិបតី លោកបាសា អាល់អាសាដ( Bashar al-Assad) គឺលោក ម៉ាហឺ (Maher)។

លោកខារ៉ូលីន រ៉ូស (Caroline Rose ) នាយកនៃគម្រោងជួយដូរគ្រឿងញៀន Captagon របស់វិទ្យាស្ថាន New Lines Institute បានប្រាប់សារព័ត៌មាន Fox News Digitalថា គ្រឿងញៀន Captagon ពេញនិយមសម្រាប់ប្រជាជនទូទាំងតំបន់។

លោករ៉ូស បាននិយាយថា៖«សមត្ថភាពរបស់ថ្នាំគ្រាប់នេះក្នុងការជំរុញឲ្យមានភាពស្រើបស្រាល ទាក់ទាញអ្នកប្រើប្រាស់កម្សាន្ត ក៏ដូចជាអ្នកដែលចង់កាត់បន្ថយការប៉ះទង្គិចផ្លូវចិត្ត ខណៈពេលដែលអ្នកផ្សេងទៀតស្វែងរកគ្រឿងញឿនCaptagon សម្រាប់សមត្ថភាពរបស់វាក្នុងការធ្វើឲ្យប្រសើរឡើងនូវផលិតភាព ធ្វើឲ្យគេងលក់ច្រើនម៉ោង និងកាត់បន្ថយភាពស្រេកឃ្លាន»។