ទីភ្នាក់ងារចារកម្មយោធាអ៊ុយក្រែន (HUR) បាននិយាយនៅថ្ងៃទី១២ ខែកុម្ភៈនេះថា អ៊ីរ៉ង់ និងក្រុមហេសបូឡា កំពុងបណ្តុះបណ្តាលប្រតិបត្តិករយានដ្រូនរបស់រុស្ស៊ីនៅក្នុងប្រទេសស៊ីរីសម្រាប់ដាក់ពង្រាយនៅក្នុងប្រទេសអ៊ុយក្រែន។

ឆ្មាំបដិវត្តន៍អ៊ីរ៉ង់ និងក្រុមសកម្មប្រយុទ្ធគាំទ្រដោយតេអេរ៉ង់ ដែលមានមូលដ្ឋាននៅប្រទេសលីបង់ ត្រូវបានគេរាយការណ៍ថា កំពុងអនុវត្តការណែនាំនៅមូលដ្ឋានអាកាស Shayrat។

រុស្ស៊ី អ៊ីរ៉ង់ និងរបបរបស់លោកអាសា អាល់អាសាដ(Bashar al-Assad) នៅក្នុងប្រទេសស៊ីរី បាននិងកំពុងសហការយ៉ាងទូលំទូលាយទាំងកម្រិតយោធា និងនយោបាយ ដោយបង្ហាញពីបញ្ហាប្រឈមចំពោះអ៊ុយក្រែន និងលោកខាងលិច។

ទីភ្នាក់ងារចារកម្ម បាននិយាយថា វគ្គបណ្តុះបណ្តាលរួមមានប្រព័ន្ធគ្រប់គ្រងដូចជា យានដ្រូនពិឃាត Shahed-136 ឬ យានដ្រូន Ababil-3។

រុស្ស៊ីបាននិងកំពុងនាំចូយានដ្រូនShahed របស់អ៊ីរ៉ង់យ៉ាងទូលំទូលាយ និងផលិតតាមក្នុងស្រុកសម្រាប់ការវាយប្រហារប្រឆាំងនឹងទីក្រុង និងហេដ្ឋារចនាសម្ព័ន្ធរបស់អ៊ុយក្រែន។

យានដ្រូនAbabil ដែលជាប្រព័ន្ធគ្មានមនុស្សបើកមួយផ្សេងទៀតដែលផលិតឡើងដោយប្រទេសអ៊ីរ៉ង់ អាចប្រើបានទាំងគោលបំណងឈ្លបយកការណ៍ និងប្រយុទ្ធ។