ក្រសួងកាបរទេសឥណ្ឌា បាននិយាយនៅថ្ងៃច័ន្ទនេះថា ប្រទេសកាតាបានដោះលែងអតីតមន្រ្ដីកងទ័ពជើងទឹកឥណ្ឌា៨នាក់បន្ទាប់ពីទម្លាក់ចោលទោសប្រហារជីវិត ដោយកោតសរសើរចំពោះការសម្រេចរបស់ប្រមុខរដ្ឋាភិបាលកាតាក្នុងរយៈពេលជាង១៨ខែក្រោយការចាប់ខ្លួនពួកគេ បាននាំឲ្យមានបញ្ហាប្រឈមផ្នែកទំនាក់ទំនងកាទូត។

យោងតាមប្រភពនានាបានអោយដឹងថា បុរសទាំងនេះ ត្រូវបានចោទប្រកាន់ពីបទធ្វើចារកម្មអោយប្រទេសអ៊ីស្រាអែល ទោះបីជា ឥណ្ឌានិងកាតា មិនបានបញ្ជាក់ពីការចោទទាំងនេះក៏ដោយ។

ការកាត់ទៅសប្រហារជីវិតរបស់ពួកគេ ត្រូវបានព្យួ ក្នុងខែតុលា និងត្រូវបានទម្លាក់ចោលក្នុងខែធ្នូឆ្នាំកន្លងទៅ។

ឥណ្ឌាបាននិយាយថា ក្នុងចំណោពួកទាំងនោះ មាន៧នាក់បានវិលត្រឡប់ទៅប្រទេសកំណើតពួកគេវិញហើយ ដែលក្នុងនោះ មានមួយចំនួនបានប្រាប់ប្រព័ន្ធផ្សព្វផ្សាយនៅពេលមកដល់ក្រុងញូវដេលី ដែល គេនិយាយថា ដោយសារតែមានការធ្វើអន្ដរាគមន៍ផ្ទាល់របស់នាយករដ្ឋមន្រ្ដីណារិនដ្រាម៉ូឌី បានជួយអោយមានការដោះលែងពួកគេទាំងនេះ។

ក្រុងញូវដេលី បានទាក់ទងពិភាក្សាអស់ជាច្រើនខែជាមួយប្រទេសកាតាបន្ទាប់ពីក្រុមបុរសទាំងនេះ ត្រូវាបានចាប់ខ្លួនក្នុងខែសីហា ឆ្នាំ២០២២ ហើយករណីនេះ បានធ្វើអោយមានការប្រឈមផ្នែកទំនាក់ទំនងជាមួយក្រុងដូហា(Doha )ដែលជាអ្នកផ្គត់ផ្គង់ឧស្ម័នធម្មជាតិមួយដ៏សំខាន់ទៅអោយប្រទេសឥណ្ឌា ដែលជាប្រទេសនាំចូលថាមពលលំដាប់កំពូលមួយក្នុងចំណោមប្រទេសនាំចូលថាមពលកំពូលៗផ្សេងទៀត

ក្នុងពិភពលោក។

ការប្រកាសអោយរួចទោសនេះ បានធ្វើឡើងប៉ុន្មានថ្ងៃបន្ទាប់ពីប្រទេសកាតា និងឥណ្ឌា បានចុះកិច្ចព្រមព្រៀងដ៏ធំបំផុតមួយរបស់ភាគីទាំងពីរក្នុងកាផ្គត់ផ្គង់ឧស្ម័នធម្មជាតិរាវ បន្ទាប់ពីលោកមូឌី បានជួបជាមួប្រមុខរដ្ឋរដ្ឋាភិបាលកាតាលោក សេក តាមីម ប៊ីន ហាម៉ាត់ អាល់ ថានីដោយឡែកនៃជំនួបកំពូលស្តីពីបម្រែបម្រួលអាកាសធាតុCOP28ក្នុងក្រុងឌូបៃកាលពីខែធ្នូ និងបានពិភាក្សាពីសុខុមាលភាពរបស់សហគមន៍ឥណ្ឌាក្នុងប្រទេសកាតាផងដែរ៕