សាច់ញាតិរបស់ចំណាប់ថ្នូរអ៊ីស្រាអែលពីរនាក់ដែលត្រូវបានកងទ័ពពិសេសអ៊ីស្រាអែលើរំដោះនាពេលថ្មីៗចេញពីតំបន់ហ្កាហ្សាបាននិយាយនៅថ្ងៃច័ន្ទនេះថា លោកមានការតក់ស្លត់យ៉ាងខ្លាំងនៅពេលបានឮដំណឹងពីការជួយសង្រ្គោះពួកគេ។

យោធាអ៊ីស្រាអែលបាននិយាយថា ប្រតិបត្ដិការរួមមួយរបស់កងទ័ពជាតិអ៊ីស្រាអែល សេវាសន្ដិសុខស៊ិនបេត(Shin Bet)ក្នុងស្រុករបស់អ៊ីស្រាអែល និងអង្គភាពនគរបាលពិសេសក្នុងក្រុងរ៉ាហ្វា(Rafah) បានរំដោះលោក ហ្វើណាន់ដូ ស៊ីម៉ុន ម៉ាម៉ាន អាយុ៦០ឆ្នាំ (Fernando Simon Marman) និងលោកល្វីស ហារេអាយុ៧០ឆ្នាំ(Louis Hare)។ គេបានបន្ថែមថា ចំណាប់ថ្នូរទាំងនេះ ត្រូវបានឃុំខ្លួននៅជាន់ទីពីរនៃអគារដែលផ្ទុកទៅដោយគ្រឿងផ្ទុះក្នុងអំឡុងពេលវាយឆ្មក់ ហើយត្រូវបានគេឃើញមានការបាញ់កាំភ្លើងតគ្នាដែលមានអគារជុំវិញនោះ។

លោកអេដាន់ បេហ្គើរ៉ាណូ(Edan Begerano) ជាសាច់ញាតិរបស់លោកម៉ាម៉ាន់ និងលោកហារេ បាននិយាយថា ខណៈនេះ លោកមានអារម្មណ៍សប្បាយរីករាយ ដែលពួកគេទាំងពីរ ត្រូវបានរំដោះមកវិញ ហើយលោកនៅតែមានជំនឿថា អ៊ីស្រាអែល និងក្រុមហាម៉ាស នឹងសម្រេចបានកិច្ចព្រមព្រៀងមួយក្នុងពេល ឆាប់ៗដែលអាចធ្វើបាន ដើម្បីធានាអោយមានការដោះលែងចំណាប់ថ្នូរអ៊ីស្រាអែលដែលនៅសេសសល់មកវិញ៕