ប្រធានាធិបតីកោះស៊ីប លោក នីកូស គ្រីស្តូដូលីដែស (Nikos Christodoulides) កាលពីថ្ងៃចន្ទបានស្នើសុំជំនួយនៅទីក្រុងប៊ែរឡាំងក្នុងកិច្ចខិតខំប្រឹងប្រែង ដើម្បីដោះស្រាយជម្លោះរបស់កោះនេះ ចាប់តាំងពីប្រទេសអាល្លឺម៉ង់ មានទំនាក់ទំនងកាន់តែប្រសើរឡើងជាមួយសមាជិកណាតូរ គឺប្រទេសទួរគី។

លោកគ្រីស្តូដូលីដែស បានថ្លែងនៅក្នុងសេចក្តីថ្លែងការណ៍មួយ បន្ទាប់ពីកិច្ចប្រជុំជាមួយប្រធានាធិបតីអាល្លឺម៉ង់ លោក ហ្វ្រែង វ៉លទឺ ស្ទេនមេអឺ (Frank-Walter Steinmeier) នៅទីក្រុងនីកូសៀ ( Nicosia) កាលពីថ្ងៃចន្ទថា៖«សាររបស់យើង គឺថា ដំណោះស្រាយ អាស្រ័យទៅលើទីក្រុងអង់ការ៉ា»។

លោកស្ទេនមេអឺ បានបញ្ជាក់ថា៖«វាជាពេលវេលាដ៏សំខាន់ ដើម្បីធ្វើការដោយភាពក្លាហានទៅលើដំណោះស្រាយចំពោះបញ្ហារបស់កោះស៊ីប។ លោកបានបន្ថែមថា ប្រទេសអាល្លឺម៉ង់គាំទ្រដំណោះស្រាយដោយរដ្ឋាភិបាលទាំងពីរ និងប្រជាជននៃប្រទេសទាំងពីរចំពោះបញ្ហារបស់ប្រទេសកោះស៊ីប ដោយផ្អែកលើលក្ខខណ្ឌរបស់អង្គការសហប្រជាជាតិ។ទីក្រុងនីកូសៀ គឺជារាជធានីដែលបែងចែកចុងក្រោយនៃទ្វីបអឺរ៉ុប។

កោះនេះ ត្រូវបានបំបែកទៅជាក្រិក-ស៊ីប ភាគខាងត្បូង និងភាគខាងជើងទួរគី-ស៊ីបតូចជាង ចាប់តាំងពីរដ្ឋប្រហារក្រិក និងអន្តរាគមន៍យោធាទួរគី នៅឆ្នាំ ១៩៧៤ ។ មានតែទួរគីទេដែលទទួលស្គាល់ស៊ីបខាងជើងជារដ្ឋពេញលេញ។

តំបន់ទ្រនាប់រវាងភាគីទាំងពីរ ត្រូវបានត្រួតពិនិត្យដោយកងរក្សាសន្តិភាពរបស់អង្គការសហប្រជាជាតិ។

ខណៈពេលដែលប្រទេសកោះស៊ីបទាំងមូល ទាំងមូលបានក្លាយជាសមាជិកនៃសហភាពអឺរ៉ុប ក្នុងឆ្នាំ ២០០៤ ច្បាប់របស់សហភាពអឺរ៉ុបមានសុពលភាពតែនៅក្នុងផ្នែកភាគខាងត្បូង រហូតដល់ការបង្រួបបង្រួម អាចធ្វើទៅបាន។