ប្រធានសភាអាមេរិកលោក Mike Johnson បានបញ្ជាក់កាលពីថ្ងៃចន្ទ (ទី១២ ខែកុម្ភៈ) ថា សភាដែលដឹកនាំដោយគណបក្សសាធារណរដ្ឋរបស់លោក នឹងមិនលើកយកសេចក្តីស្នើច្បាប់ ដើម្បីផ្តល់ជំនួយថ្មីរាប់ពាន់លានដុល្លារដល់ប្រទេសអ៊ុយក្រែន និងប្រទេសដទៃទៀតទេ ទោះបីជាមានការអនុម័ត នៅព្រឹទ្ធសភា ដោយមានការគាំទ្រពីសមាជិកនៃគណបក្សទាំង២ ក៏ដោយ។

កញ្ចប់ថវិកាចំនួន ៩៥ពាន់លានដុល្លារនេះ រួមមានការផ្តល់មូលនិធិ សម្រាប់ការប្រយុទ្ធរបស់អ៊ីស្រាអែលប្រឆាំងនឹងក្រុមសកម្មប្រយុទ្ធហាម៉ាស និងសម្រាប់សម្ព័ន្ធមិត្តយុទ្ធសាស្ត្រដ៏សំខាន់ គឺកោះតៃវ៉ាន់ ប៉ុន្តែចំណែកដ៏ច្រើនរបស់ប្រទេស ៦០ពាន់លានដុល្លារ នឹងជួយអ៊ុយក្រែនដែលគាំទ្រលោកខាងលិច ដើម្បីរៀបស្តុកទុកឡើងវិញនូវការផ្គត់ផ្គង់គ្រាប់រំសេវ អាវុធ និងតម្រូវការសំខាន់ៗផ្សេងទៀត នៅពេលដែលសង្គ្រាមនៅប្រទេសនេះចូលដល់ឆ្នាំទី៣ហើយនោះ។

សេចក្តីព្រាងច្បាប់នេះ ដែលអាចមើលឃើញការបោះឆ្នោតព្រឹទ្ធសភាចុងក្រោយ នៅព្រឹកថ្ងៃអង្គារ (ទី១៣ ខែកុម្ភៈ) នេះ មិនរាប់បញ្ចូលការផ្លាស់ប្តូរគោលនយោបាយអន្តោប្រវេសន៍របស់សហរដ្ឋអាមេរិកនោះទេ។

ច្បាប់របស់ព្រឹទ្ធសភាពីមុនដែលក្ដោបចូលទាំងបញ្ហាព្រំដែន និងជំនួយបរទេសត្រូវបានជាប់គាំងដោយសមាជិកនៃគណបក្សផ្ទាល់របស់លោក Johnson នៅក្នុងព្រឹទ្ធសភា បន្ទាប់ពីលោក បានប្តេជ្ញាដូចគ្នាថា នឹងបញ្ចប់ច្បាប់នេះនៅក្នុងសភា ដោយសារការព្រួយបារម្ភថា មិនបានដោះស្រាយការឆ្លងព្រំដែនដោយខុសច្បាប់គ្រប់គ្រាន់។

លោក Johnson បាននិយាយនៅក្នុងសេចក្តីថ្លែងការណ៍មួយថា៖ «សមាជិកសភាគណបក្សសាធារណរដ្ឋមានភាពច្បាស់លាស់ តាំងពីការចាប់ផ្តើមការពិភាក្សាដែលហៅថា ច្បាប់បន្ថែមសន្តិសុខជាតិ ត្រូវតែទទួលស្គាល់ថា សន្តិសុខជាតិ ចាប់ផ្តើមនៅព្រំដែនរបស់យើង»៕