នគរបាលអេស្តូនី និងឆ្មាំព្រំដែន បានប្រកាសកាលពីថ្ងៃទី ១៣ ខែកុម្ភៈថា អេស្តូនីបានប្រកាសថា ខ្លួនអាចនឹងត្រូវបង្ខំចិត្តបិទច្រកព្រំដែនរបស់ខ្លួនជាមួយរុស្ស៊ី ដោយសារតែការកើនឡើងសម្ពាធនៃជនអន្តោប្រវេសន៍។  

សេចក្តីថ្លែងការណ៍ បានសរសេរថា៖« ក្នុងរយៈពេលប៉ុន្មានសប្តាហ៍ថ្មីៗនេះ រុស្ស៊ីបានដឹកនាំដោយចេតនាដល់ក្រុមព្រំដែនអេស្តូនីនៃជនបរទេសដែលខ្វះសិទ្ធិស្របច្បាប់ក្នុងការចូលទៅក្នុងសហភាពអឺរ៉ុប»។      «ប្រសិនបើសកម្មភាពទាំងនេះ នៅតែបន្ត យើងនឹងត្រូវបង្ខំចិត្តបិទចំណុចឆ្លងកាត់ព្រំដែន ដើម្បីការពារសន្តិសុខជាតិ និងសណ្តាប់ធ្នាប់សាធារណៈ ដូចដែលបានធ្វើរួចមកហើយ នៅក្នុងប្រទេសហ្វាំងឡង់ ដោយ សារសម្ពាធនៃការធ្វើទេសន្តរប្រវេសន៍»។

រដ្ឋាភិបាលអេស្តូនី បានកត់សម្គាល់ពីលំហូរជនអន្តោប្រវេសន៍ និងអ្នកស្វែងរកសិទ្ធិជ្រកកោនពីប្រទេសរុស្ស៊ី ក្នុងរយៈពេលប៉ុន្មានខែថ្មីៗនេះ។

ប្រទេសហ្វាំងឡង់ថ្មីៗនេះ បានបិទប៉ុស្តិ៍ត្រួតពិនិត្យទាំង៨ នៅតាមព្រំដែនរបស់ខ្លួនជាមួយរុស្ស៊ី រហូតដល់យ៉ាងហោចណាស់ថ្ងៃទី១៤ ខែមេសា ដោយសារលំហូរចូលនៃអ្នកស្វែងរកសិទ្ធិជ្រកកោនមកពីប្រទេសដូចជាកេនយ៉ា ម៉ារ៉ុក ប៉ាគីស្ថាន សូម៉ាលី និងយេម៉ែន ចូលហ្វាំងឡង់តាមរយៈប្រទេសរុស្ស៊ី។ ភាគច្រើននៃជនអន្តោប្រវេសន៍ទាំងនេះ ព្យាយាមចូលប្រទេសហ្វាំងឡង់ដោយគ្មានឯកសារស្របច្បាប់។