ភ្ញៀវទេសចរនៅប្រទេសបែលហ្ស៊ិកដែលនំសូកូឡារបស់ពួកគេល្បីល្បាញខ្លាំងនោះ បានសម្រុកទិញអំណោយថ្ងៃនៃក្តីស្រលាញ់របស់ពួកគេ ។ 

ហាងលក់នំដ៏ស្រស់ស្អាត Galerie de la Reine នៅក្នុងទីក្រុងព្រុចសែល មានត្រៀបត្រាដោយនំសូកូឡាដែលមានការតុបតែងជារាងបេះដូង ។ 

លោក Eduardo Fuentesវ័យ ៤៨ឆ្នាំ គឺជាភ្ញៀវទេសចរមកពីអេស្ប៉ាញ បានទិញអំណោយសម្រាប់ភរិយារបស់លោកពីហាងផលិតនំសូកូឡា Neuhaus ដែលនិយាយថា ពួកគេបានធ្វើនំបែលហ្ស៊ិកបែបសម័យទំនើប ។ 

លោក Fuentes និយាយថា ខ្ញុំទិញនំទាំងនេះដែលជានំថ្ងៃនៃក្តីស្រលាញ់មានរូបបេះដូង ដោយសារតែខ្ញុំនឹកភរិយារបស់ខ្ញុំ ហើយចង់ផ្តល់នំទាំងនេះ ដល់ភរិយារបស់ខ្ញុំ ។ 

 លោកបន្តថា លោកមកទីនេះដោយសារមានកិច្ចការជំនួញ ហើយខ្ញុំទិញវា ផ្តល់ជូនភរិយារបស់ខ្ញុំ ដើម្បីបញ្ជាក់ថា ខ្ញុំនៅតែស្រលាញ់គាត់ ។ 

 ចំណែកឯអ្នកនាង Risa Kurosuគឺជាភ្ញៀវទេសចរវ័យ ៣០ឆ្នាំមួយរូបមកពីជប៉ុន និយាយដែរថា នៅជប៉ុន ពួកយើងមានប្រពៃណីទំនៀមទម្លាប់របស់ពួកយើង ពេលដែលពួកយើងទិញនំសូកូឡាធ្វើជាអំណោយសម្រាប់ថ្ងៃនៃក្តីស្រលាញ់ ។ នោះហើយគឺជាហេតុផលដែលនាងទិញវា ។ 

សមាគមសូកូឡា Choprabisco ដែលតំណាងឧស្សាហកម្មមួយនេះ និយាយថា កាលពីឆ្នាំ ២០២២ នំសូកូឡាទម្ងន់ជាង ៧០ម៉ឺនតោន ត្រូវបានផលិតនៅក្នុងប្រទេសបែលហ្ស៊ិក ៕