អនុប្រធានាធិបតីអាមេរិក លោកស្រី កាម៉ាឡា ហារី និងរដ្ឋមន្រ្ដីកាបរទេសលោកអង់តូនី ប៊្លីងខិន ត្រូវប្រឈមមុខនឹងការងារដ៏តានតឹងមួយនៅឯសន្និសិទសន្ដិសុខក្រុងម៉ុយនិកប្រទេសអាល្លឺម៉ង់ ដែលនឹងចាប់ផ្ដើមធ្វើនៅថ្ងៃសុក្រនេះ បានបញ្ជាក់ថា សម្ព័ន្ធមិត្ដនិងសហរដ្ឋអាមេរិក នៅតែធ្វើការជាមួយគ្នាដើម្បីការពារសន្ដិសុខរបស់ពួកគេ។

លោកស្រីហារី និងលោកប៊្លីងខិន នឹងអញ្ជើញទៅចូលរួមកិច្ចប្រជុំសន្ដិសុខប្រចាំឆ្នាំ មិនដល់១សប្ដាហ៍ផង បន្ទាប់ពីលោកត្រាំ ដែលជាបេក្ខជនឈានមុខសម្រាប់ការតែងតាំងជាបេក្ខជនប្រធានាធិបតីពីខាងគណបក្សសាធារណរដ្ឋ បាននិយាយថា លោក នឹងមិនការពារសម្ព័នមិត្ដណាតូដែលបចំណាយលើវិស័យការពារជាតិមិនគ្រប់គ្រាន់នោះ។

លោកបៃឌិន បានសម្រេចចិត្តមិនចូលរួមសន្និសីទប្រចាំឆ្នាំនៅប៉ុន្មានឆ្នាំថ្មីៗនេះ ប៉ុន្ដែលោកស្រីហារីនៅថ្ងៃសុក្រស្អែក គ្រោងនឹងថ្លែងនូវអ្វីដែលក្រុមជំនួយការបានចាត់ទុកថាជាសុន្ទរកថាប្រកបដោយអត្ថន័យស្ដីពីសារៈសំខាននៃការបំពេញតួនាទីរបស់សហរដ្ឋអាមេរិក នៅក្នុងភាពជាអ្នកដឹកនាំ ពិភពលោក នៅមុនកិច្ចប្រជុំជាមួយតំណាងរាស្រ្ដអាមេរិក ប្រធានាធិបតីអ៊ុយក្រែន លោក វ៉្លូឌីមៀរ ហ្សេលិនស្គី និងអធិការបតីអាល្លឺម៉ង់ អូឡាហ្វ សូល។

លោកស្រីហារីទំនងជាត្រូវបានគេតាមដានមើលយ៉ាងដិតដល់ពីសមត្ថភាពរបស់លោកស្រី នៅក្នុងការដឹកនាំការងារបន្ទាប់ពីមានសេចក្ដីរាយការរបស់រដ្ឋអាជ្ញាធរពិសេសរបស់ក្រសួងយុត្ដិធម៌ កាលពីសប្ដាហ៍មុន បានហៅលោកបៃឌិន វ័យ៨១ឆ្នាំថាជាបុគ្គលមានវ័យចំណាស់ដែលដែលមិនសូវមានការចងចាំល្អ៕ចំណែកលោកត្រាំមានវ័យ៧៧ឆ្នាំ។