លោក ប្រាបូវូ ស៊ូបៀនតូ (Prabowo Subianto) អតីតឧត្តមសេនីយ៍អ្នកមានទ្រព្យសម្បត្តិម្នាក់ ដែលមានទំនាក់ទំនងនឹងប្រធានាធិបតីដែលកំពុងមានប្រជាប្រិយរបស់ប្រទេសឥណ្ឌូនេស៊ី និងអតីតកាលផ្តាច់ការរបស់ខ្លួនមើលទៅនឹងក្លាយជាមេដឹកនាំបន្ទាប់របស់ខ្លួន។

លោក ស៊ូបៀនតូ ដែលបានកើតនៅឆ្នាំ ១៩៥១ ក្នុងគ្រួសារដ៏មានឥទ្ធិពលបំផុតមួយរបស់ប្រទេសឥណ្ឌូនេស៊ី ដែលជាកូនទីបីក្នុងចំណោមកូន៤នាក់។ ឪពុករបស់លោកឈ្មោះ Sumitro Djojohadikusumo គឺជាអ្នកនយោបាយដ៏មានឥទ្ធិពលម្នាក់ និងជារដ្ឋមន្ត្រីក្រោមការដឹកនាំរបស់លោកប្រធានាធិបតី Sukarno និងលោក Suharto។

លោក ស៊ូបៀនតូ បានចុះឈ្មោះចូលរៀននៅបណ្ឌិតសភាយោធារបស់ប្រទេសឥណ្ឌូនេស៊ីក្នុងឆ្នាំ ១៩៧០ ដោយបានបញ្ចប់ការសិក្សានៅឆ្នាំ ១៩៧៤និងបម្រើក្នុងជួរយោធាអស់រយៈពេលជិត ៣ ទសវត្សរ៍។ នៅឆ្នាំ ១៩៧៦ លោក ស៊ូបៀនតូ បានចូលរួមជាមួយកងកម្លាំងពិសេសរបស់កងទ័ពជាតិឥណ្ឌូនេស៊ី ដែលហៅថា Kopassus និងជាមេបញ្ជាការនៃក្រុមដែលប្រតិបត្តិការ នៅក្នុងអ្វីដែលឥឡូវនេះ គឺទីម័រខាង     កើត។

លោកស៊ូបៀនតូ បានវិលត្រឡប់មកពីប្រទេសហ្ស៊កដានីក្នុងឆ្នាំ ២០០៨ ហើយបានបង្កើតគណបក្ស Gerinda ។ លោកបានឈរឈ្មោះជាប្រធានាធិបតីពីរដង ដោយចាញ់វីដូដូ ( Widodo) ទាំងពីរដង។ ដំបូងឡើយ លោកបានបដិសេធមិនទទួលស្គាល់លទ្ធផលនោះទេ ប៉ុន្តែបានទទួលយកការផ្តល់ជូនរបស់លោកវីដូដូ សម្រាប់តំណែងរដ្ឋមន្ត្រីការពារជាតិក្នុងឆ្នាំ ២០១៩ ក្នុងកិច្ចប្រឹងប្រែងដើម្បីរួបរួមគ្នា។

រដ្ឋមន្ត្រីក្រសួងការពារជាតិ ប្រាបូវូ ស៊ូបៀនតូ  បានបង្ហាញខ្លួនឯងថា ជាអ្នកស្នងមរតករបស់ប្រធានាធិបតី ចូកូ វីដូដូ (Joko Widodo) ដ៏មានប្រជាប្រិយ ដោយប្តេជ្ញាបន្តរបៀបវារៈទំនើបភាវូបនីយកម្ម ដែលបាននាំមកនូវការរីកចម្រើនយ៉ាងឆាប់រហ័ស និងបានធ្វើឲ្យប្រទេសឥណ្ឌូនេស៊ីក្លាយជាប្រទេសដែលមានចំណូលមធ្យមកម្រិតទាប។

ប៉ុន្តែលោកស៊ូបៀនតូ នឹងចូលកាន់តំណែងជាមួយនឹងសំណួរដែលមិនអាចដោះស្រាយបានអំពីការចំណាយនៃកំណើនយ៉ាងឆាប់រហ័សសម្រាប់បរិស្ថាន និងសហគមន៍ប្រពៃណី ក៏ដូចជាទំនាក់ទំនងផ្ទាល់ខ្លួនរបស់លោកទៅនឹងការធ្វើទារុណកម្ម ការបាត់ខ្លួន និងការរំលោភសិទ្ធិមនុស្សផ្សេងទៀតនៅក្នុងឆ្នាំចុងក្រោយនៃរបបផ្តាច់ការរបស់លោក Suharto ដ៏ឃោរឃៅ ដែលគាត់បានបម្រើការជា ឧត្តមសេនីយ៍ឯក។

ក្រៅពីការសន្យាបន្ត លោក ស៊ូបៀនតូ បានដាក់ចេញនូវផែនការជាក់ស្តែងមួយចំនួន ដែលធ្វើឲ្យអ្នកសង្កេតការណ៍ មិនច្បាស់លាស់អំពីអ្វីដែលការបោះឆ្នោតរបស់លោក នឹងមានន័យសម្រាប់ការរីកចម្រើនរបស់ប្រទេស និងលទ្ធិប្រជាធិបតេយ្យចាស់ទុំរបស់ខ្លួននេះ។