ក្រុមសាច់ញាតិ បាននិយាយថា ជនជាតិប៉ាឡេស្ទីន ក្នុងក្រុងខានយូនីស (Khan Younis) នៅថ្ងៃសុក្រនេះ បានកាន់ទុក្ខសមាជិកនៃក្រួសារZoroub ដែលបានស្លាប់នៅក្នុងការវាយប្រហារតាមអាកាសរបស់អ៊ីស្រាអែល នៅពេលយប់ក្នុងក្រុងរ៉ាហ្វា(Rafah)។

យោងតាមក្រសួងសុខាភិបាលតំបន់ហ្កាហ្សាបានឲ្យដឹងថា អ្នកកាន់ទុក្ខម្នាក់ឈ្មោះរីដា សូប (Rida Sobh) បានរៀបរាប់នៅពេលនេះ បន្ទាប់ពីការវាយប្រហារដែលបានសម្លាប់ប្អូនស្រីរបស់គាត់និងមនុស្ស

៨នាក់ទៀត។

អ្នកស្រីសូ បានិយាយថា អ្នកស្រីបានទៅមន្ទីរពេទ្យ ដើម្បីរកប្អូនស្រីរបស់ខ្លួន កូនទាំងអស់របស់គាត់ ម្ដាយមីងរបស់គាត់ ប្ដី និងបងប្អូនជីដូនមួយ សុទ្ធតែជាទុក្ករបុគ្គល។ ពោលគឺគ្មាននរណាម្នាក់នៅសល់ក្នុងផ្ទះឡើយ។ ផ្ទះនេះត្រូវបានខ្ទេចអស់ហើយ។

អ្នកស្រីបន្ថែមថា តើប្អូនស្រីរបស់អ្នកស្រីជាអ្នកគំរាមកំហែងប្រទេសអ៊ីស្រាអែលឬ? តើប្អូនស្រីរបស់អ្នកស្រីខុសអ្វីបានជាមកសម្លាប់នាងដូច្នេះ?

សង្រ្គាមបានចាប់ផ្ដើមនៅថ្ងៃទី៧តុលា នៅពេលក្រុមហាម៉ាស បានបញ្ជូនអ្នកប្រយុទ្ធចូលក្នុងប្រទេសអ៊ីស្រាអែល ដោយបានសម្លាប់មនុស្សអស់១.២០០នាក់ ដែលភាគច្រើនជាជនស៊ីវិល ហើយនិបានចាប់មនុស្ស២៥៣នាក់ ធ្វើជាចំណាប់ថ្នូរទៀតផង៕