ទីភ្នាក់ងារអន្តោប្រវេសន៍របស់ប្រទេសម៉ិកស៊ិក បានរកឃើញជនអន្តោប្រវេសន៍ចំនួន១៥០ នាក់ មកពី៨ប្រទេសផ្សេងគ្នា នៅលើឆ្នេរតំបន់ការ៉ាអ៊ីប នៅពេលដែលពួកគេត្រូវបានដឹកជញ្ជូនដោយខុសច្បាប់ នៅក្នុងរថយន្តក្រុងចំនួន២គ្រឿង។

ក្រុមនេះ ត្រូវបានស្ទាក់ចាប់នៅលើរថយន្តក្រុងចំនួនពីរគ្រឿង នៅលើឧបទ្វីប Yucatan ឆ្នេរសមុទ្រ តំបន់ការ៉ាអ៊ីប។

នៅក្នុងនោះ មានមនុស្សពេញវ័យចំនួន១៣៩ នាក់ និងកុមារ ១១ នាក់ ដែលពុំមានអ្នកអមដំណើរមកជាមួយកុមារទាំងនេះឡើយ ដែលអ្នកទាំងនេះមកពីប្រទេសអាមេរិកឡាទីន មានប្រទេសប្រេស៊ីល និងហុងឌុយរ៉ាស និងពលរដ្ឋអាស៊ី មានប៉ាគីស្ថាន ហ្ស៊កដានីនៅអាស៊ីខាងលិច និងប្រទេសឥណ្ឌា។

ជនអន្តោប្រវេសន៍ ត្រូវបានប្រគល់ទៅឲ្យអាជ្ញាធរអន្តោប្រវេសន៍។