សារព័ត៌មាន Wall Street Journal (WSJ ) បានរាយការណ៍កាលពីថ្ងៃសុក្រ ដោយដកស្រង់សម្តីមន្ត្រី អាមេរិកបច្ចុប្បន្ន និងអតីតថា រដ្ឋបាលលោកបៃដិន កំពុងរៀបចំបញ្ជូនគ្រាប់បែក និងសព្វាវុធផ្សេងទៀតទៅកាន់ប្រទេសអ៊ីស្រាអែល ដែលនឹងបន្ថែមលើឃ្លាំងអាវុធរបស់ខ្លួន ទោះបីជាសហរដ្ឋអាមេរិកជំរុញឲ្យ មានបទឈប់បាញ់ នៅក្នុងតំបន់ហ្កាហ្សាក្តី។ 

សារព័ត៌មាន WSJ បានរាយការណ៍កាលពីថ្ងៃសុក្រថា រដ្ឋបាលលោកបៃដិន កំពុងរៀបចំការបញ្ជូនអាវុធដែលបានស្នើ រួមមានគ្រាប់បែក MK-82 និងគ្រាប់រំសេវវាយប្រហារចម្រុះផ្ទាល់ KMU-572 និង គ្រាប់កាំភ្លើងធំ FMU-139 ដោយបន្ថែមថា តម្លៃត្រូវបានប៉ាន់ប្រមាណថា គឺរាប់សិបលានដុល្លារ។ 

របាយការណ៍ បានបន្ថែមថា ការផ្តល់ដែលបានស្នើឡើង គឺនៅតែត្រូវបានត្រួតពិនិត្យផ្ទៃក្នុងដោយរដ្ឋបាលនេះ  ដោយដកស្រង់សម្តីមន្ត្រីសហរដ្ឋអាមេរិកដែលបាននិយាយថា ព័ត៌មានលម្អិតនៃសំណើនេះ អាចផ្លាស់ប្តូរមុនពេលរដ្ឋបាលជូនដំណឹងដល់មេដឹកនាំគណៈកម្មាធិការសភាដែលនឹងត្រូវអនុម័តការបញ្ជូន នេះ។

ក្រសួងការបរទេសអាមេរិក និងក្រសួងការពារជាតិ កងកម្លាំងការពារអ៊ីស្រាអែល និងក្រសួងការពារជាតិ   អ៊ីស្រាអែល មិនបានឆ្លើយតបភ្លាមៗចំពោះសំណើរបស់សារព័ត៌មានរ៉យទ័រសម្រាប់ការធ្វើអត្ថាធិប្បាយលើរបាយការណ៍នេះទេ។

គិតត្រឹមខែធ្នូ ឆ្នាំ ២០២៣ រដ្ឋបាលលោកបៃដិន មិនបានឲ្យសភាពិនិត្យឡើងវិញអំពីការលក់អាវុធទៅឲ្យ អ៊ីស្រាអែល ពីរដងរួចហើយ។