អគ្គលេខាធិការអង្គការណាតូ លោក ចេន ស្តូលថិនប៊ឺក (Jens Stoltenberg) បានថ្លែងបន្ទាប់ពីមានសេចក្តីរាយការណ៍អំពីការស្លាប់របស់មេដឹកនាំគណបក្សប្រឆាំងរុស្ស៊ីលោក អាឡិចសេ ណាវ៉ាល់នី (Alexei Navalny) ថា៖«ប្រទេសរុស្ស៊ី មានសំណួរដ៏ធ្ងន់ធ្ងរមួយចំនួនដែលត្រូវឆ្លើយ»។

លោកស្តូលថិនប៊ឺក បានពណ៌នា លោកណាវ៉ាល់នីថា ជាសំឡេងដ៏រឹងមាំសម្រាប់សេរីភាព ហើយបាននិយាយថា អង្គការណាតូ បានអំពាវនាវឲ្យមានការដោះលែងលោកពីការជាប់ពន្ធនាគារអស់រយៈពេលជាយូរ។

មន្ត្រីជាន់ខ្ពស់របស់អង្គការណាតូរូបនេះ បានបដិសេធមិនភ្ជាប់ទំនាក់ទំនងទៅនឹងការបោះឆ្នោតប្រធានាធិបតីរុស្ស៊ីនាពេលខាងមុខ ប៉ុន្តែបានកត់សម្គាល់ថា ប្រទេសរុស្ស៊ី «បានក្លាយជាការកាន់អំណាច  ផ្តាច់ការកាន់តែច្រើនឡើង» អស់រយៈពេលជាច្រើនឆ្នាំ។

លោកស្តូលថិនប៊ឺក បាននិយាយថា៖«ខ្ញុំមានការសោកស្ដាយ និងព្រួយបារម្ភយ៉ាងខ្លាំង»។