នៅថ្ងៃទី១៧ ខែកុម្ភៈ ឆ្នាំ២០២៤នេះ អណ្តូងទឹកស្អាតចំនួន ៨បន្ថែមទៀត បានបន្តប្រគល់ជូន ប្រជា​ពលរដ្ឋ​នៅ​ក្នុង​ឃុំចំនួនបី គឺឃុំស្រែហ៊ុយ ឃុំណងខិលិក និងឃុំរយ៉ នៃ​ស្រុក​កោះញ៉ែក ខេត្តមណ្ឌលគីរី ដើម្បីប្រើប្រាស់ក្នុងជីវភាពប្រចាំថ្ងៃ។

លោកជំទាវ ឌី សុខីទីឃាយុកោ ភរិយាឯកឧត្តម ហ៊ុន ម៉ានិត ប្រធានមូលនិធិអណ្តូង​ទឹកស្អាត​អ្នក​ឧកញ៉ា​មហាភក្តីសប្បុរិសភោគាធិបតី ហ៊ុន នាង និងមហាឧបាសិកា ឌី ប៉ុក បានអញ្ជើញ​ចុះ​ប្រគល់​​អណ្តូងទឹកទាំង៨ ផ្ទាល់តាមទីតាំងអណ្តូងនីមួយៗ ព្រមទាំង​បាន​សំណេះសំណាល​ជាមួយប្រជាពលរដ្ឋនៅក្នុងមូលដ្ឋាន ប្រកបដោយក្តីរីករាយ និង​ស្និទ្ធស្នាល​៕