ហ្វីលីពីន៖ ក្រុមអាជ្ញាធរហ្វីលីពីនបានបញ្ជាឱ្យបើកការស៊ើបអង្កេតកាលពីថ្ងៃចន្ទ ក្នុងករណីធ្លាក់យន្តហោះរបស់កងទ័ពអាកាសដែលបានបើកហួសផ្លូវហោះហើរ ហើយបានសម្លាប់មនុស្សជាង ៥០នាក់រួមទាំងជនស៊ីវិលផងដែរ ក្នុងគ្រោះថ្នាក់ដែនអាកាសយោធាអាក្រក់បំផុតរបស់ប្រទេសនេះក្នុងរយៈពេលជិត ៣ទសវត្សរ៍។
លោកប្រធានាធិបតី Rodrigo Duterte ធ្វើដំណើទៅកាន់ជំរំយោធានៅភាគខាងត្បូងទីក្រុងហ្សាំបូនហ្គា ជាទីដែលអ្នកស្លាប់ និងរងរបួសរាប់សិបនាក់ត្រូវបាននាំមក បន្ទាប់ពីការធ្លាក់យន្តហោះដឹកអ្នកដំណើរ ដែលក្រសួងការពារជាតិបាននិយាយថា ស្ថិតក្នុងស្ថានភាពល្អ។ លោក Duterte បាននិយាយនៅមូលដ្ឋានទ័ពជើងទឹក បន្ទាប់ពីគោរពដល់មឈូសដែលរុំដោយទង់ជាតិថា ខ្ញុំសោកស្ដាយអ្នកណាស់។ ខ្ញុំសោកសៅដូចអ្នកដែរ ហើយក្នុងនាមជាអគ្គមេបញ្ជាការ ខ្ញុំឈឺចាប់បំផុតដោយសារតែការបាត់បង់ជីវិតរបស់អ្នក។
ក្រសួងការពារជាតិបាននិយាយថា ដោយមានអ្នកដំណើរទាំងអស់ ៩៦នាក់ ចំនួនអ្នកស្លាប់ពីការធ្លាក់យន្តហោះនេះបានកើនឡើងដល់ ៥២នាក់ក្នុងនោះមានជនស៊ីវិល ៣នាក់ផងដែរ បន្ទាប់ពីទាហាន ២នាក់ក្នុងចំណោម ៤៩នាក់បានស្លាប់ដោយសាររបួសរបស់ពួកគេកាលពីថ្ងៃចន្ទ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
