កណ្តាល ៖ ឯកឧត្តម ហេង រតនា បានជម្រុញដល់សមា ជិក បក្ស ថា ត្រូវពង្រឹង ស្មារតី និងឆន្ទៈ ហើយ បោះឆ្នោតជូន គណបក្សប្រជាជនកម្ពុជា ដោយគោរពស្មោះត្រង់តាមគោលការណ៍ គណបក្ស “សមាជិកគណបក្សម្នាក់ បោះ ឆ្នោតជូនគណបក្សប្រជាជនមួយសន្លឹក!”ដើម្បីដណ្តើមប្រៀបឈ្នះក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ខាងមុខនេះ។

ការជម្រុញនេះ ខណះនៅថ្ងៃទី១៨ ខែកុម្ភៈ ឆ្នាំ២០២៤ នាស្នាក់ការគណបក្សប្រជាជនកម្ពុជាស្រុកលេីកដែក ខេត្ត កណ្តាល ឯកឧត្តម ហេង រតនា អនុប្រធានទី១គណៈអចិន្ត្រៃយ៍ក្រុមការងារគណបក្សចុះមូលដ្ឋានស្រុកនិងជាប្រធានក្រុមការងាររដ្ឋាភិបាលចុះមូលដ្ឋានស្រុកលើកដែកបានជួបប្រជុំជាមួយសមាជិក -សមាជិការគណបក្សស្រុកនិងអង្គបោះឆ្នោត ដែលត្រៀមចេញទៅបោះឆ្នោតជ្រើស តាំងសមាជិកព្រឹទ្ធសភា នីតិកាលទី៥ ឆ្នាំ២០២៤ មណ្ឌលភូមិភាគទី៣ ខេត្តកណ្តាល នៅវេលាថ្ងៃទី២៥ ខែកុម្ភៈ ឆ្នាំ ២០២៤ខាងមុខឆាប់ៗនេះ។ 

 ឯកឧត្តម ហេង រតនា បានថ្លែងទៅកាន់សមាជិសមាជិការនៃអង្គបោះឆ្នោតទាំងអស់នៅក្នុងឱកាសនេះថា ការ

បោះឆ្នោតជ្រើសតាំងសមាជិកព្រឹទ្ធសភានីតិកាលទី៥ ឆ្នាំ ២០២៤ កាន់តែខិតជិតមក ដល់ហើយ សូមអង្គបោះ ឆ្នោតទាំងអស់ត្រូវត្រៀមខ្លួននិងរាល់ឯកសារសំគាល់ខ្លួន ហើយអញ្ជើញចូលរួមបោះឆ្នោតឲ្យបានគ្រប់ៗគ្នា ។ ពីព្រោះការ បោះឆ្នោតលើកនេះសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ឈរជាបេក្ខភាពប្រធានព្រឹទ្ធសភា ក្នុងនីតិកាលទី៥នេះ។

 ឯកឧត្តម ហេង រតនា សង្កត់ធ្ងន់ ថា សមាជិក បក្ស ត្រូវពង្រឹង ស្មារតី និងឆន្ទៈ ហើយ បោះឆ្នោតជូន គណបក្សប្រជា ជនកម្ពុជា ដោយគោរពស្មោះត្រង់តាមគោលការណ៍ គណ បក្ស “សមាជិកគណបក្សម្នាក់ បោះឆ្នោតជូនគណ បក្សប្រជាជនមួយសន្លឹក!” ។ជាមួយគ្នានេះ ឯកឧត្តមប្រធានក្រុមការងារ បានជំរុញទៅសមាជិកគណបក្សប្រជាជន ទាំងអស់ ត្រូវបន្តធ្វើអំពើល្អ លើពលរដ្ឋផ្សេងៗ ដោយ មិន មានការ រើសអើង និន្នាការ នយោបាយឡើយ.ដើម្បីទទួលបាននូវចំនួនសមាជិកបក្សថ្មីៗបន្ថែមទៀតមកចូលរួមរស់ជីវភាពនយោបាយជាមួយគណបក្សប្រជាជនកម្ពុជាឲ្យបានកាន់តែច្រើនឡើង។ ជាពិសេសត្រូវបន្ត ពង្រឹង សាមគ្គី បក្ស ដោយប្ដូរផ្ដាច់ បោះឆ្នោតឲ្យបានទទួលជ័យជំនះបន្តទៀត ដើម្បី CPP មានឱកាសបន្តបម្រើប្រជាពលរដ្ឋនិងអភិវឌ្ឍន៍ប្រទេសជាតិឲ្យកាន់តែរីកចម្រើនឡើង។

 សូមជម្រាបថា យោងតាមរបាយការណ៍បានបញ្ជាក់ថា ស្រុកលើកដែកមានចំនួនសមាជិកក្រុមប្រឹក្សាឃុំ ដែលជាសមាជិកគណបក្សប្រជាជនកម្ពុជា មានចំនួន ៣៧ នាក់ ស្រី ០៨នាក់ នៃចំនួនសរុបរួម ៤៧ នាក់ ។ដោយឡែកប្រជាពលរដ្ឋទូទាំងស្រុកលើកដែក មានឈ្មោះក្នុងបញ្ជីបោះឆ្នោតឆ្នាំ២០២៣ សរុប ៣៨ .២១២នាក់ ស្រី ២០ .៣៨៣ នាក់ ក្នុងនោះមានសមាជិកគណបក្សចំនួន២៧,៤៩៥នាក់ ស្រី១៥ .២០០ នាក់ ស្មើ ៧១.៩៥% (សមាជិកដែលមានទិន្នន័យក្នុងប្រព័ន្ធ គិតត្រឹមខែកុម្ភៈ ឆ្នាំ២០២៤)។

  ក្នុងគោលបំណងដើម្បីយកប្រៀបឈ្នះ រាល់ពេលការ បោះឆ្នោតនោះ គណៈកម្មាធិការគណបក្សស្រុកលើកដែកបានសហការយ៉ាងជិតស្និត ជាមួយក្រុមការងារគណបក្សខេត្តកណ្តាល ត្រៀមលក្ខណៈ រៀបចំយ៉ាងហ្មត់ចត់នូវកិច្ចការនានា សម្រាប់ឈានទៅកាន់ការបោះឆ្នោតព្រឹទ្ធ សភា នីតិកាលទី៥ ឆ្នាំ២០២៤ ធានាសម្រេចបានជោគ ជ័យ(សមាជិក ១នាក់សំឡេងគាំទ្រ១សន្លឹក) ។ដោយ

តាមដានត្រួតពិនិត្យ និងដោះស្រាយរាល់សំណូមពរចាំបាច់នានារបស់អង្គបោះឆ្នោត។ព្រមទាំងបន្តណែនាំដល់អង្គបោះឆ្នោត អំពីការគូសសន្លឹកឆ្នោត របៀបគូសសន្លឹកឆ្នោតលំដាប់លេខរៀងលើសន្លឹកឆ្នោតនិងទីតាំងការិយាល័យបោះឆ្នោត។ (គណបក្សប្រជាជនកម្ពុជាមានលេខរៀងទី១, ការិយាល័យបោះឆ្នោតលេខ ៣០០១, នៅមណ្ឌលគរុកោសល្យភូមិភាគ)។ បន្ថែមពីនេះគណបក្សស្រុក បានរៀបចំប្រមូលផ្តុំអង្គបោះឆ្នោតដោយ មានរៀបចំមធ្យោបាយធ្វើដំណើរ កន្លែងស្នាក់នៅ អាហារនិងសុវត្តិភាពឲ្យល្អបំផុត។ ទប់ស្តាប់នូវរាល់ឧបាយកលញុះញ៉ង់បំបែក បំបាក់ការឃោសនាអគតិផ្សេងៗរបស់ក្រុមជ្រុលនិយម បន្តក្ដាប់ឲ្យបានសតិអារម្មណ៍កម្លាំងជំរុញ តាមដាននិងប្តឹងតវ៉ាលើការរំលោភបំពានផ្សេងៗ។ ថែរក្សាការពារសន្តិសុខសុវត្ថិភាពឲ្យបានល្អបំផុត និង ផ្សព្វផ្សាយសេចក្តីប្រកាសព័ត៌មានរបស់ក្រសួងមហាផ្ទៃនិងសេចក្តីថ្លែងការណ៍ របស់គណៈកម្មាធិការជាតិរៀបចំការបោះឆ្នោត៕ អត្ថបទ.ភារម្យ