ប្រទេសចិន កំពុងបង្កើនការល្បាតនៅក្នុងដែនទឹកក្បែរក្រុមប្រជុំកោះជួរមុខ ដែលគ្រប់គ្រងដោយតៃវ៉ាន់ ខណៈដែលភាពតានតឹង កើនឡើង បន្ទាប់ពីអ្នកនេសាទចិនពីរនាក់ បានលង់ទឹកស្លាប់អំឡុងពេលការតាមចាប់របស់ឆ្មាំឆ្នេរសមុទ្រតៃវ៉ាន់ ដែលបានចោទប្រកាន់ពួកគេថាបានចូលទៅក្នុងតំបន់ហាមឃាត់។

ឆ្មាំឆ្នេរសមុទ្ររបស់ប្រទេសចិន បាននិយាយកាលពីថ្ងៃអាទិត្យថា ផ្នែកនៃខេត្ត Fujian របស់ខ្លួន នឹងពង្រឹងការអនុវត្តច្បាប់ដែនសមុទ្រ និងអនុវត្ត «ការល្បាតជាប្រចាំ» នៅក្នុងដែនទឹកជុំវិញទីក្រុងស៊ីអាយមិន (Xiamen) របស់ប្រទេសចិន និងប្រជុំកោះគីនមិន ( Kinmen) របស់តៃវ៉ាន់ ដែលស្ថិតនៅចម្ងាយឆ្ងាយពីគ្នារាប់គីឡូម៉ែត្រ។

លោក Gan Yu អ្នកនាំពាក្យឆ្មាំឆ្នេរសមុទ្រចិន បាននិយាយនៅក្នុងសេចក្តីថ្លែងការណ៍មួយថា ការសម្រេចនេះ គឺសំដៅលើ «ការរក្សានូវសណ្តាប់ធ្នាប់នៃប្រតិបត្តិការបន្ថែមទៀតនៅក្នុងដែនទឹកដែលពាក់ព័ន្ធ និងការការពារអាយុជីវិត និងទ្រព្យសម្បត្តិរបស់អ្នកនេសាទ»។

ការល្បាត ទំនងជានឹងដាក់នាវាឆ្មាំឆ្នេរសមុទ្ររបស់ចិនឲ្យនៅជិតសមភាគីតៃវ៉ាន់របស់ពួកគេ ដែលអាចបង្កើនហានិភ័យនៃការប៉ាន់ស្មានខុស និងជម្លោះ។

ភាពតានតឹងកើនឡើងនេះ បានកើតឡើងប៉ុន្មានថ្ងៃបន្ទាប់ពីនាវាល្បឿនលឿនរបស់ចិន បានក្រឡាប់       ខណៈពេលដែលព្យាយាមគេចចេញពីឆ្មាំឆ្នេរសមុទ្ររបស់តៃវ៉ាន់ ដែលបាននិយាយថា វាបានឆ្លងកាត់ការនេសាទនៅក្នុងទឹកប្រហែលមួយម៉ាយពីឆ្នេរសមុទ្រគីនមិន។

សមាជិកនាវិក៤នាក់ បានធ្លាក់ចូលទៅក្នុងទឹក។ ពីរនាក់នៅរស់រានមានជីវិត បន្ទាប់ពីត្រូវបានជួយសង្គ្រោះដោយឆ្មាំឆ្នេរសមុទ្រតៃវ៉ាន់ ខណៈដែលពីរនាក់ទៀត ត្រូវបានគេរកឃើញថា សន្លប់ ហើយត្រូវបានគេបញ្ជាក់ថា បានស្លាប់ប ន្ទាប់ពីត្រូវបានគេបញ្ជូនទៅមន្ទីរពេទ្យនៅឆ្នេរសមុទ្រគីនមិន។