ថ្លែងនៅក្នុងកិច្ចពិភាក្សាជាក្រុមស្តីពីអាទិភាពការពារជាតិរបស់សហភាពអឺរ៉ុប នៅសន្និសីទសន្តិសុខទីក្រុង មុយនិក (Munich) កាលពីថ្ងៃទី១៨ ខែកុម្ភៈ ប្រមុខការទូតរបស់សហភាពអឺរ៉ុបលោក ចូសិប បូរ៉ែល (Josep Borrell) បានរិះគន់ភាពមិនច្បាស់លាស់ដំបូងរបស់សម្ព័ន្ធមិត្តលោកខាងលិច ក្នុងការផ្តល់ជំនួយយោធាដល់អ៊ុយក្រែន ដោយលើកឡើងថា លទ្ធផលនៃសង្គ្រាមនឹងខុសគ្នា មានសម្ព័ន្ធមិត្តធ្វើសកម្មភាពកាន់តែច្បាស់។

លោកបូរ៉ែល បានថ្លែងថា៖«រាល់ពេលដែលយើងបានពិភាក្សាអំពីការផ្ដល់អាវុធប្រភេទថ្មី នរណាម្នាក់ស្ទាក់ស្ទើរ ដោយនិយាយសំដៅទៅលើភាពស្ទាក់ស្ទើររបស់សម្ព័ន្ធមិត្ត នៅពេលចាប់ផ្តើមការលុកលុយរបស់រុស្ស៊ីក្នុងការផ្តល់អាវុធដូចជារថក្រោះ Leopard និងប្រព័ន្ធមីស៊ីល Patriot ដោយខ្លាចមានភាពតានតឹងកើនឡើងបន្ថែមទៀត។

«ប្រសិនបើយើងបានធ្វើការសម្រេចចិត្តទាំងនេះ លឿនជាងនេះ ប្រហែលជាសង្គ្រាម នឹងមានភាពខុសគ្នា»។

ការអត្ថាធិប្បាយរបស់លោកបូរ៉ែល បានកើតឡើងជិតពីរឆ្នាំ ក្នុងការលុកលុយយ៉ាងពេញទំហឹងរបស់រុស្ស៊ីលើអ៊ុយក្រែន ចំពេលមានភាពមិនច្បាស់លាស់ដែលកំពុងបន្តជុំវិញការគាំទ្រផ្នែកយោធា រយៈពេលវែងពីសហរដ្ឋអាមេរិក។

មេដឹកនាំសភាអាមេរិក បន្តរក្សាកញ្ចប់ជំនួយចំនួន ៦៦ ពាន់លានដុល្លារសម្រាប់អ៊ុយក្រែន ដែលជាវិធានការមួយដែលត្រូវបានរិះគន់ដោយលោកបូរ៉ែល និងបានលើកឡើងម្តងទៀតដោយប្រធានាធិបតីសហរដ្ឋអាមេរិកលោកចូបៃដិន (Joe Biden) កាលពីថ្ងៃទី ១៨ ខែកុម្ភៈ ដែលបានសន្មតថា ការដកកងកម្លាំងអ៊ុយក្រែនចេញពីទីក្រុងអាវឌីអ៊ីវកា (Avdiivka) ដោយសារភាពអសកម្មរបស់សភា។