អាជ្ញាធរក្នុងប្រទេសរ្វ៉ាន់ដានៅថ្ងៃចន្ទនេះ បានច្រានចោលការអំពាវនាវរបស់សហរដ្ឋអាមេរិកឲ្យដកកងទ័ព និងប្រព័ន្ធមីស៊ីលចេញពីកុងហ្គោភាគខាងកើត ដោយនិយាយថា ពួកគេកំពុងការពារទឹកដីរ៉្វាន់ដា ខណៈដែលកុងហ្គោអនុវត្ត «ការកសាងយោធាយ៉ាងខ្លាំង» នៅជិតព្រំដែន។

ក្រសួងការបរទេសរបស់ប្រទេសរ្វ៉ាន់ដា នៅក្នុងសេចក្តីថ្លែងការណ៍មួយ បាននិយាយអំពីការគំរាមកំហែងដល់សន្តិសុខជាតិរវ៉ាន់ដា ដែលផ្តើមចេញពីវត្តមាននៅក្នុងប្រទេសកុងហ្គោនៃក្រុមប្រដាប់អាវុធដែលសមាជិករបស់ពួកគេរួមមានជនល្មើសដែលត្រូវបានចោទប្រកាន់ពីបទប្រល័យពូជសាសន៍ឆ្នាំ១៩៩៤។

សេចក្តីថ្លែងការណ៍ បាននិយាយថា ក្រុមឧទ្ទាមដែលត្រូវបានគេស្គាល់ដោយឈ្មោះដំបូង FDLR របស់ខ្លួន `ត្រូវបានរួមបញ្ចូលយ៉ាងពេញលេញទៅក្នុង«កងទ័ពកុងហ្គោ»។

ទោះបីជាប្រទេសរ្វ៉ាន់ដា បានលើកឡើងពីការគំរាមកំហែងដែលបង្កឡើងដោយក្រុមឧទ្ទាម FLDR ជាយូរមកហើយក៏ដោយ ក៏អាជ្ញាធរនៅទីនោះ មិនដែលបានទទួលស្គាល់វត្តមានយោធានៅកុងហ្គោភាគខាងកើត ដែលអាជ្ញាធរបានចោទប្រកាន់ប្រទេសអាហ្វ្រិកកណ្តាលដ៏តូចមួយនេះថា បានគាំទ្រយ៉ាងសកម្មដល់ក្រុមប្រដាប់អាវុធហិង្សាដែលគេស្គាល់ថាជា M23។