ក្រុមហ៊ុនមេរបស់ធនាគារអាមេរិកមួយ គឺ Capital One គ្រោងនឹងទិញភាគហ៊ុនរបស់ក្រុមហ៊ុន Discover Financial Services (ក្រុមហ៊ុនចេញកាតឥណទាន) នៅក្នុងប្រតិបត្តិការទិញភាគហ៊ុនទាំងអស់ដែលមានតម្លៃ ៣៥,៣ពាន់លានដុល្លារ ដោយកិច្ចព្រមព្រៀងនេះ នឹងបង្កើតបាននូវការទូទាត់ជាសកលដ៏ធំមួយ។ នេះបើតាមការឲ្យដឹងពីក្រុមហ៊ុនពាក់ព័ន្ធទាំង២ កាលពីថ្ងៃចន្ទ (ទី១៩ ខែកុម្ភៈ)។

កិច្ចព្រមព្រៀងនេះ ដែលត្រូវបានគេរំពឹងថា នឹងទទួលបានការត្រួតពិនិត្យពីស្ថាប័នប្រឆាំងនឹងការទុកចិត្តយ៉ាងតឹងរ៉ឹង ក៏នឹងបង្កើតបានជាធនាគារធំជាងគេទី៦ របស់សហរដ្ឋអាមេរិកផងដែរ ដោយសារទ្រព្យសម្បត្តិ និងចំនួនដ៏ច្រើននៃកាតឥណទានរបស់សហរដ្ឋអាមេរិកនេះ ដែលនឹងអាចប្រកួតប្រជែងជាមួយគូប្រជែង គឺក្រុមហ៊ុន JPMorgan Chase និង Citigroup ។

តែទោះបីជាក្រុមហ៊ុន Discover មានបណ្តាញដែលគ្របដណ្ដប់ជាង ២០០ប្រទេសក៏ដោយ ក៏វានៅតែតូចជាងគូប្រជែងផ្សេងទៀតដែរ គឺ Visa, Mastercard និង American Express។

ប្រសិនបើគ្រប់យ៉ាងត្រូវបានបញ្ចប់សព្វគ្រប់ ម្ចាស់ភាគហ៊ុនរបស់ Capital One ដែលគាំទ្រដោយលោក Warren Buffett នឹងកាន់កាប់ ៦០ភាគរយនៃក្រុមហ៊ុនរួមបញ្ចូលគ្នា ខណៈដែលម្ចាស់ភាគហ៊ុនរបស់ក្រុមហ៊ុន Discover នឹងកាន់កាប់ភាគហ៊ុនដែលនៅសល់៕