ក្រុមប្រជាកសិករបន្តនៅក្រៅសភាក្រិកនាថ្ងៃពុធនេះ ក្រោយមនុស្សរាប់ពាន់នាក់ ធ្វើដំណើរមកកាន់ទីក្រុងអាតែនកាលពីរយៈពេល ១ថ្ងៃមុន ចតត្រាក់ទ័ររបស់ពួកគេនៅមុខសភា អំឡុងការតវ៉ាធំបំផុតពុំធ្លាប់ដែលមានរបស់ពួកគេ ជុំវិញការឡើងថ្លៃប្រេង និងផលិតផល ។

ក្រុមនគរបាល និយាយថា ក្រុមកសិករប្រហែល ៨ពាន់នាក់ មានត្រាក់ទ័រ ១៣០គ្រឿង បានចូលរួមធ្វើបាតុកម្មកាលពីថ្ងៃអង្គារ ចាប់ពីទីលានចតុរង្គ Syntagma ស្ថិតនៅកណ្តាលទីក្រុងអាតែន ជាការបង្ហាញទុក្ខលំបាករបស់ពួកគេដូចបាតុកម្មស្រដៀងគ្នានៅប្រទេសបារាំង បែលហ្ស៊ិក ហូឡង់ ប៉ូឡូញ និងអ៊ីតាលី ។

ក្រុមប្រជាកសិករមកពីទូទាំងប្រទេសក្រិកដែលបន្តស្នាក់នៅពេញមួយយប់ និយាយថា ការឡើងថ្លៃប្រេង និងថ្លៃផលិតផល ក៏ដូចជាអាកាសធាតុបណ្តាលមកពីបញ្ហាបម្រែបម្រួលអាកាសធាតុ បានធ្វើឲ្យប៉ះពាល់ដល់វិស័យកសិកម្ម ។

ពួកគេនាំគ្នាបិទផ្លូវ និងច្រកព្រំដែនអស់រយៈពេលជាច្រើនសប្តាហ៍មកហើយ ស្របពេលដែលក្រុមសហជីពរបស់ពួកគេ បានចរចាជាមួយរដ្ឋាភិបាល ឲ្យមានជំនួញហិរញ្ញវត្ថុ និងវិធានការជួយសង្រ្គោះផ្សេងទៀត ។

ក្រុមប្រជាកសិករ បានទាមទារឲ្យមានសំណងបន្ថែមទៀតពីគ្រោះមហន្តរាយធម្មជាតិ ជាមួយនឹងប្រេងម៉ាស៊ូតលើកលែងពន្ធ ហើយនិងការការពារប្រឆាំងនឹងការប្រកួតប្រជែងពីក្រៅប្រទេស ។

មកទល់នឹងពេលនេះ រដ្ឋាភិបាលបានបញ្ចុះតម្លៃវិក្ក័យប័ត្រថាមពល និងបន្តការបញ្ចុះតម្លៃពន្ធរយៈពេល ១ឆ្នាំសម្រាប់ប្រេងម៉ាស៊ូតធ្វើកសិកម្ម រហូតដល់ដំណាច់ឆ្នាំ ២០២៤ ប៉ុន្តែក្រុមកសិករ និយាយថា វាពុំគ្រប់គ្រាន់នោះទេ ៕