របាយការណ៍សារព័ត៌មានមួយ បានឲ្យដឹងថា មីស៊ីលនុយក្លេអ៊ែរ Trident បានបាញ់ខុសបច្ចេកទេស ហើយបានធ្លាក់ចូលទៅក្នុងមហាសមុទ្រ ក្បែរនាវាមុជទឹក ដែលបានបាញ់បង្ហោះវា អំឡុងពេលធ្វើតេស្ត កាលពីខែមុន។

នេះគឺជាការបាញ់មីស៊ីលខុសបច្ចេកទេសលើកទី២ជាប់ៗគ្នា ជាមួយនឹងការបាញ់សាកល្បងមីស៊ីល Trident ដោយកងទ័ពជើងទឹក នៅឯឆ្នេរសមុទ្រសហរដ្ឋអាមេរិក កាលពីខែមិថុនា ឆ្នាំ ២០១៦ ក៏បានរាយការណ៍ថា បានបរាជ័យផងដែរ។

សារព័ត៌មាន The Sun បានរាយការណ៍ថា ដំណាក់កាលទី១របស់មីស៊ីល មិនបានផ្ទុះ អំឡុងពេលបាញ់សាកល្បងដោយនាវាប្រយុទ្ធ HMS Vanguard កាលពីថ្ងៃទី ៣០ ខែមករា ហើយវាបានធ្លាក់ចូលទៅក្នុងមហាសមុទ្រហើយបានលិចបាត់។

ប្រភពអនាមិកដែលដកស្រង់ដោយសារព័ត៌មាន The Sun បាននិយាយថា៖«មីស៊ីលនោះ បានហោះចេញពីនាវាមុជទឹក ប៉ុន្តែវាបានធ្លាក់មកវិញនៅក្បែរនាវានោះ។

ក្រសួងការពារជាតិ បានបញ្ជាក់ពី«ភាពមិនធម្មតា» ដែលជា«ព្រឹត្តិការណ៍ជាក់លាក់» បានកើតឡើងក្នុងអំឡុងពេលធ្វើតេស្ត នៅឯឆ្នេរសមុទ្រនៃរដ្ឋហ្វ្លរីដា ប៉ុន្តែបានបដិសេធមិនផ្តល់ព័ត៌មានបន្ថែមអំពីហេតុផលសន្តិសុខជាតិ។