អណ្ដាតភ្លើងបានឆាបឆេះជាបន្ដបន្ទាប់នៅតំបន់ហ្កាហ្សានៅព្រឹកថ្ងៃពុធនេះ មួយថ្ងៃបន្ទាប់ពីសហរដ្ឋអាមេរិកបានរារាំងពង្រាងសេចក្តីសម្រេចរបស់ក្រុមប្រឹក្សាសន្ដិសុខសហប្រជាជាតិស្ដីពីសង្រ្គាម

អ៊ីស្រាអែល-ហាម៉ាស ដែលបានអំពាវនាវឲ្យមានបទឈប់បាញ់បន្ទាន់។

ការផ្ទុះបានកើតឡើងនៅម៉ោង៦:៣៧នាទី បន្ទាប់មកមានសំណុំផ្សែងហុយពីលើ តំបន់ហ្កហ្សា ក៏ដូចជាគេឃើញចេញពីភាគខាងត្បូង ខណៈការប្រយុទ្ធគ្នានៅតែបន្ដនៅទូទាំងតំបន់ហ៊ុមព័ទ្ធប៉ាឡេស្ទីននោះ។

សហរដ្ឋអាមេរិកកាលពីថ្ងៃអង្គារបានប្រើសំឡេងវ៉េតូលើកទីបីចំពោះពង្រាងសេចក្តីសម្រេចរបស់អង្គការសហប្រជាជាតិ ដោយរារាំងការទាមទារឲ្យមានបទឈប់បាញ់មនុស្សធម៌បន្ទាន់ ខណៈខ្លួនបែរជាជំរុញស្ថាប័នដែលមានសមាជិក១៥ប្រទេសឲ្យផ្ដោតទៅលើ សេចក្ដីសម្រេចដែលប្រជែងគ្នាដោយអំពាវនាវឲ្យមានបទឈប់បាញ់បណ្ដោះអាសន្នមួយ ដែលទាក់ទងនឹងការដោះលែងចំណាប់ថ្នូរដែលត្រូវបានឃុំខ្លួនដោយក្រុមហាម៉ាសនោះ។

យោងតាកការបូកសរុបរបស់អ៊ីស្រាអែលបានអោយដឹងថា សង្រ្គាមបានចាប់ផ្ដើមនៅពេលដែលក្រុមអ្នកប្រយុទ្ធមកពីក្រុមសកម្មប្រយុទ្ធហាម៉ាសដែលគ្រប់គ្រងតំបន់ហ្កហ្សានោះ បានវាយប្រហារប្រទេសអ៊ីស្រាអែល កាលពីថ្ងៃទី៧តុលា ដោយបានសម្លាប់មនុស្សអស់១.២០០នាក់ និងបានចាប់មនុស្សចំនួន២៥៣នាក់ធ្វើជាចំណាប់ថ្នូ។ ជាការសងសឹកវិញ អ៊ីស្រាអែលបានបើកការវាយប្រហារដោយយោធាទៅលើតំបន់ហ្កាហ្សា ដែលអាជ្ញាធរសុខាភិបាលនិយាយថា បានសម្លាប់មនុស្សអស់ជិត ២៩.០០០នាក់ ជាមួយនឹងសពរាប់ពាន់នាក់ទៀតត្រូវគេព្រួយបារម្ភថា អាចស្លាប់នៅក្រោមកម្ទេទថ្ម៕