អាជ្ញាធរ បាននិយាយថា អ៊ីស្រាអែល ស្ទាក់ចាប់បាននូវអ្វីដែលហាក់ដូចជាការវាយប្រហារដែលធ្វើឡើងដោយក្រុមឧទ្ទាមហ៊ួទីនៅប្រទេសយេម៉ែននៅថ្ងៃព្រហស្បតិ៍នេះ នៅជិតទីក្រុងកំពង់ផែអេឡាត (Eilat)    ខណៈដែលក្រុមនេះ បង្កើនការវាយលុករបស់ខ្លួនជុំវិញសង្គ្រាមរបស់អ៊ីស្រាអែលប្រឆាំងនឹងក្រុមហាម៉ាសនៅតំបន់ហ្កាហ្សាស្ទ្រីប។

ស៊ីរ៉ែនបានបន្លឺឡើងនៅព្រឹកព្រលឹមថ្ងៃព្រហស្បត្តិ៍នេះ នៅពីខាងលើកំពង់ផែអេឡាត អមដោយវីដេអូដែលបានបង្ហោះតាមអ៊ីនធឺណិតអំពីអ្វីដែលហាក់ដូចជាការស្ទាក់ចាប់នៅលើមេឃ។

ក្រោយមក យោធាអ៊ីស្រាអែល បានពណ៌នាការស្ទាក់ចាប់នេះថា ត្រូវបានអនុវត្តដោយប្រព័ន្ធការពារប្រព័ន្ធការពារមីស៊ីល Arrow របស់ខ្លួន។

អ៊ីស្រាអែល មិនបានកំណត់អត្តសញ្ញាណថាតើភ្លើងនោះជាអ្វី និងមកពីណាទេ។ ទោះបីជាយ៉ាងណាក៏ដោយ ប្រព័ន្ធ Arrow ស្ទាក់ចាប់មីស៊ីលបាលិស្ទិករយៈចម្ងាយឆ្ងាយ ជាមួយនឹងក្បាលគ្រាប់ដែលត្រូវបាន    ផលិតឡើង ដើម្បីវាយប្រហារគោលដៅ ខណៈពេលដែល ពួកគេស្ថិតនៅក្នុងលំហអាកាស។

យោធាអ៊ីស្រាអែល បាននិយាយថា ប្រព័ន្ធនេះ «បានស្ទាក់ចាប់បានដោយជោគជ័យនូវការវាយប្រហារមួយដែលត្រូវបានកំណត់អត្តសញ្ញាណ នៅក្នុងតំបន់នៃសមុទ្រក្រហម ហើយកំពុងហោះទៅកាន់ប្រទេសអ៊ីស្រាអែល ។ «គោលដៅនោះ មិនបានឆ្លងចូលក្នុងទឹកដីអ៊ីស្រាអែលទេ ហើយក៏មិនបង្កការគំរាមកំហែងដល់ជនស៊ីវិលទេ»។