អតីតប្រធានាធិបតីរុស្ស៊ីលោក Dmitry Medvedev និយាយនៅថ្ងៃព្រហស្បតិ៍នេះថា ទាហានរុស្ស៊ីអាចត្រូវការទៅដល់ទីក្រុងគីវ ដើម្បីសម្រេចគោលដៅរបស់ខ្លួន គឺជាគោលដៅដែលទីក្រុងម៉ូស្គូ ចាត់ទុកថាជា “ប្រតិបត្តិការសឹកពិសេស” នៅអ៊ុយក្រែន ។

លោកថា រុស្ស៊ី និងអ៊ុយក្រែនគឺជាជាតិតែមួយ ហើយរដ្ឋាភិបាលអ៊ុយក្រែន ដែលទីក្រុងម៉ូស្គូ ចាត់ទុកថាជា “របបក្រុងគីវ”នោះ ត្រូវតែដួលរលំ ។

លោក Medvedev និយាយថា តើកន្លែងណាដែលពួកយើងត្រូវឈប់នោះ ? ខ្ញុំអត់ដឹងនោះទេ ខ្ញុំគិតដល់ការរាប់បញ្ចូលនូវអ្វីដែលបាននិយាយថា ពួកយើងនៅមានការងារធ្ងន់ៗជាច្រើនទៀតនៅចំពោះមុខរបស់ពួកយើង ។ តើវាគឺជាទីក្រុងគីវឬ? ជាការពិតណាស់ថា វាអាចជាទីក្រុងគីវ ។ បើមិនឥឡូវ ក៏ប្រហែលនៅពេលក្រោយដែរ ពីព្រោះថា មាននូវហេតុផល ២ ទី ១ គឺទីក្រុងគីវ គឺជាទីក្រុងរបស់រុស្ស៊ី ហើយទី ២ វាដើរតួជាការគំរាមកំហែងដល់អត្ថិភាពសហព័ន្ធរុស្ស៊ី ដែលវាជាការគំរាមកំហែងអន្តរជាតិ ។

លោកបន្តទៀតថា ទីក្រុង Odesa បានវិលត្រឡប់មកកាន់ប្រទេសរបស់ខ្លួនវិញហើយ ។ ពួកយើងបានរង់ចាំទីក្រុង Odesa ឲ្យស្ថិតនៅក្នុងសហព័ន្ធរុស្ស៊ីយូរល្មមមកហើយ ។ ប្រវត្តិសាស្រ្តទីក្រុងមួយនេះ គឺអ្វីដែលពួកគេរស់នៅទីនោះ និងអ្វីដែលភាសាពួកគេនិយាយថា គឺជារបស់ពួកយើង គឺជាទីក្រុងរបស់រុស្ស៊ី ៕