មនុស្សជាងពីពាន់នាក់ ត្រូវបានអាជ្ញាធបញ្ជាឲ្យជម្លៀសខ្លួនចេញពីក្រុងនានានៅភាគខាងលិចរដ្ឋវិចតូរីយ៉ារបស់ប្រទេសអូស្រ្ដាលីដោយសារតែចំហេះព្រៃដែលកំពុងឆេះរាលដាលអាចគ្រប់គ្រងបាននៅថ្ងៃព្រហស្បតិ៍នេះ។

ផ្ទៃដី ទំហំ៥០គីឡូម៉ែតក្រឡា នៅភាគខាងពាយព្យតំបន់បាឡារ៉ាត់ (Ballarat) ត្រូវបានភ្លើងឆេះបំផ្លាញ។ចំណែកតំបន់មួយដែលស្រដៀងគ្នានេះដែរ ត្រូវបានភ្លើងឆេះមិនអាចគ្រប់គ្រងបាន

 បន្ដឆេះឆ្ពោះទៅភាគខាលិច។

សេវាសង្រ្គោះបន្ទាន់របស់រដ្ឋ បានទទូចអោយអ្នកស្រុកក្នុងក្រុង រ៉ាកឡាន់ (Raglan) និងក្រុងបូហ្វត(Beaufort)ជាទីដែលមានមនុស្សរស់នៅប្រមាណពីរពាន់នាក់ និងអ្នកដែលរស់នៅតំបន់ជុំវិញនោះ ត្រូវតែចាកចេញ ខណៈដែលវានៅមានសុវត្ថិភាពនៅឡើយ ហើយត្រូវតែធ្វើដំណើរទៅភាគខាងកើត ដោយឆ្ពោះទៅ តំបន់ដែលនៅជិតៗតំបន់បាឡារ៉ាត់ចំងាយ៩៥គីឡូម៉ែត្រ ភាគខាងលិចក្រុងម៉ែលប៊ើន (Melbourne)។

ផ្ទៃដីមួយភាគធំរបស់រដ្ឋនេះ ត្រូវបានប្រកាសអាសន្នព្រោះតែចំហេះនេះ ហើយការិយាល័យឧតុនិយមនៅថ្ងៃព្រហស្បតិ៍នេះ បានចេញការព្រមានពីគ្រោះថ្នាក់ដោយសារអគ្គិភ័យដ៏ខ្លាំងសម្រាប់ស្រុកជាច្រើន ដោយសារអាកាសធាតុក្ដៅ ខ្យល់ស្ងួត និងអាចនឹងមានព្យុះភ្លៀង៕