យានអវកាសអង្កេតឌីណាមិកព្រះអាទិត្យ(SDO)របស់អង្គការណាសាកាលពីថ្ងៃព្រហស្បតិ៍ ចាប់បានរូបភាពពេលដែលព្រះអាទិត្យបញ្ចេញអណ្តាតភ្លើងមានអាំងតង់ស៊ីតេខ្លាំងបំផុតកាលពីវេលាម៉ោង ៥ និង ៣៤នាទីល្ងាច ម៉ោងក្នុងស្រុក ត្រូវនឹងម៉ោង ២២ និង ៣៤នាទី ម៉ោងសកល ។  

 រូបថតសន្លឹកដែលចែករំលែកដោយអង្គការណាសា ឃើញអណ្តាតភ្លើងព្រះអាទិត្យ ដែលជាពន្លឺភ្លឺខ្លាំងនៅផ្នែកខាងឆ្វេងឈៀងខាងលើនៃព្រះអាទិត្យ ។ 

 យោងតាមការអះអាងរបស់អង្គការណាសា បានឲ្យដឹងថា អណ្តាតភ្លើងព្រះអាទិត្យទាំងនេះ គឺជាការបញ្ចេញថាមពលដ៏ខ្លាំងពីព្រះអាទិត្យ ដែលអាចធ្វើឲ្យប៉ះពាល់ដល់ទំនាក់ទំនងវិទ្យុសកម្ម បណ្តាញអគ្គិសនី សញ្ញាធ្វើដំណើរ និងដើរតួជាហានិភ័យដល់យានអវកាស ហើយនិងក្រុមអវកាសយានិក ។ 

 អណ្តាតភ្លើងព្រះអាទិត្យនៅថ្ងៃទី ២២ ខែកុម្ភៈ ត្រូវបានគេស្គាល់ថាជាអណ្តាតភ្លើង X6.3 ។ អង្គការណាសា ពន្យល់ថា អណ្តាតភ្លើងថ្នាក់ X គឺជាអណ្តាតភ្លើងដែលមានថាមពលខ្លាំងបំផុត ដែលចំនួនរបស់វា បង្ហាញពីអាំងតង់ស៊ីតេរបស់វា ៕