នាយករដ្ឋមន្រ្តីអេស្ប៉ាញលោក Pedro Sanchez ធ្វើដំណើរទៅកាន់ទីតាំងឆាបឆេះអគារផ្ទះល្វែងស្ថិតក្នុងទីក្រុង Valencia ជាកន្លែងដែលលោកបានជួបជាមួយក្រុមជួយសង្រ្គោះបន្ទាន់ ។

គួរឲ្យដឹងថា មនុស្សយ៉ាងហោច ៤នាក់ បានស្លាប់ ១៤នាក់ រងរបួស និង ១៥នាក់ផ្សេងទៀត បាត់ខ្លួន ក្រោយអគ្គិភ័យ បានឆាបឆេះអគារផ្ទះល្វែងខ្ពស់ នៅទីក្រុង Valencia ។

ខណៈនោះដែរ អភិបាលក្រុង Valencia លោកស្រី María José Catalá និយាយថា មានមនុស្សចន្លោះពី ៩ ទៅ ១៥នាក់ កំពុងបាត់ខ្លួន ។

លោក Sanchez បានថ្លែងអំណរគុណដល់សេវាកម្មសង្រ្គោះបន្ទាន់ ជាពិសេសក្រុមភ្នាក់ងារពន្លត់អគ្គិភ័យ សម្រាប់ការងារដ៏ចាំបាច់របស់ពួកគេ ។

លោកថា រដ្ឋាភិបាលរបស់លោកនឹងផ្តល់ការគំាទ្រគ្រប់បែបយ៉ាងទាំងអស់សម្រាប់ប្រតិបត្តិការសង្រ្គោះបន្ទាន់ និងផ្ទៀងផ្ទាត់អ្វីដែលបានកើតឡើង ។

លោក Sanchez និយាយថា អាទិភាពនាពេលបច្ចុប្បន្នេះ គឺត្រូវស្វែងរកជនរងគ្រោះ ហើយនិងសុវត្ថិភាពអ្នកពាក់ព័ន្ធនៅក្នុងប្រតិបត្តិការការជួយសង្រ្គោះ ៕