អុីស្រាអែល ៖ ប្រធានាធិបតីប្រេស៊ីល លោកល្វីស លូឡា ដា ស៊ីលវ៉ា បាននិយាយកាលពីថ្ងៃសុក្រថា អ៊ីស្រាអែល កំពុងប្រព្រឹត្ដអំពើប្រល័យពូជសាសន៍ នៅចំពេលអំឡុងពេលជម្លោះការទូតដែលបង្កឡើងដោយការធ្វើអត្ថាធិប្បាយរបស់លោកលូឡា ដែលប្រៀបធៀបសង្រ្គាមក្នុងតំបន់ហ្កាហ្សាទៅនឹងអំពើប្រល័យពូជសាសន៍របស់ពួកណាហ្ស៊ីអាល្លឺម៉ង់ក្នុងអំឡុងសង្រ្គាមលោកលើកទី២។

លោកលូឡា បានធ្វើអត្ថាធិប្បាយនេះនៅឯ ព្រឹត្ដិការណ៍សាធារណៈមួយក្នុងក្រុងរីយ៉ូ កាលពីថ្ងៃសុក្រ ជាទីដែលបាននិយាយថា លោកគាំទ្រឲ្យបង្កើតរដ្ឋប៉ាឡេស្ទីនមួយ។

ការធ្វើអត្ថាធិប្បាយរបស់ប្រធានាធិបតីនេះ បានធ្វើឡើងកាលពីថ្ងៃអាទិត្យទី១៨កុម្ភ:មុន ដែលប្រៀបធៀបសង្រ្គមតំបន់ហ្កាហ្សាទៅនឹង អំពើរបស់ហ៊ីត្លែរលើជនជាតិជ្វីសដែលនាំឲ្យអ៊ីស្រាអែលនិយាយថា លោកលូឡាមិនត្រូវបានស្វាគមន៍នៅទីនេះឡើយ រហូតទាំល់តែលោកដកយកអត្ថាធិប្បាយរបស់លោកចេញ៕

ជម្លោះការទូតនេះ បានឈានចូលដល់ថ្ងៃទី៣នៅថ្ងៃអង្គារទី២០កុម្ភ: ដោយរដ្ឋមន្រ្ដីកាបរទេសប្រេស៊ីលហៅការឆ្លើយតបរបស់អ៊ីស្រាអែលទៅនឹងអត្ថាធិប្បាយដែលធ្វើឡើងដោយលោកលូឡា ដា ស៊ីលវ៉ានៅតំបន់ហ្កាហ្សា ស្រ្ទីប គឺមិនអាចទទួលយកបានឡើយ និងមិនពិតទាំងស្រុង៕