ម្ចាស់កម្មវិធីបណ្ដាញសង្គមហ្វេសប៊ុក (Facebook) គឺក្រុមហ៊ុន មេតា (Meta) នឹងបង្កើតក្រុមមួយដើម្បីដោះស្រាយព័ត៌មានមិនពិត និងការរំលោភបំពាននៃបញ្ញាសិប្បនិមិត្ត (AI) ក្នុងការដំណើរការការបោះឆ្នោតសភាអឺរ៉ុបក្នុងខែមិថុនា ស្របពេលមានការព្រួយបារម្ភអំពីការជ្រៀតជ្រែកក្នុងការបោះឆ្នោត និងការបំភាន់ខ្លឹមសារដែលបង្កើតដោយ AI ។

ការរីកចម្រើនយ៉ាងឆាប់រហ័សនៃបញ្ញាសិប្បនិមិត្ត AI ជំនាន់ថ្មី ដែលអាចបង្កើតអត្ថបទ រូបភាព និងវីដេអូ ក្នុងរយៈពេលប៉ុន្មានវិនាទីដើម្បីឆ្លើយតបទៅនឹងភាពជឿនលឿន បានបង្កឱ្យមានការភ័យខ្លាចថាបច្ចេកវិទ្យាថ្មីនេះអាចត្រូវបានប្រើប្រាស់ដើម្បីរំខានដល់ការបោះឆ្នោតធំៗនៅទូទាំងពិភពលោកនៅឆ្នាំនេះ។

ការបោះឆ្នោតសភាអឺរ៉ុប នឹងប្រព្រឹត្តទៅនៅថ្ងៃទី០៦ ដល់ថ្ងៃទី០៩ ខែមិថុនា ដែលជំរុញឱ្យមានការចាត់វិធានការបង្ការនានាដើម្បីទប់ស្កាត់ការផ្សព្វផ្សាយព័ត៌មានមិនពិត។

ក្រុមហ៊ុន មេតា, ក្រុមហ៊ុន មៃក្រូសូហ្វ (Microsoft), ក្រុមហ៊ុន អូផេន អេអាយ (OpenAI) និងក្រុមហ៊ុនបច្ចេកវិទ្យាចំនួន ១៧ ស្ថាប័នផ្សេងទៀតកាលពីដើមខែនេះ បានយល់ព្រមធ្វើការរួមគ្នាដើម្បីការពារមាតិកាបញ្ឆោតសិប្បនិម្មិតពីការជ្រៀតជ្រែកក្នុងការបោះឆ្នោតនៅទូទាំងពិភពលោកក្នុងឆ្នាំនេះ៕