មន្ត្រីទ័ពអាកាសអាមេរិកម្នាក់ ត្រូវបានបញ្ជូនទៅកាន់មន្ទីរពេទ្យ ដោយមានរបួសដែលគំរាមកំហែងដល់អាយុជីវិត បន្ទាប់ពីបានដុតខ្លួនឯង នៅមុខស្ថានទូតអ៊ីស្រាអែល ក្នុងរដ្ឋធានីវ៉ាស៊ីនតោន។

បុរសនោះ ត្រូវបានគេរាយការណ៍ថា បានថតឈរនៅខាងក្រៅអគារ ដោយស្លៀកពាក់ឯកសណ្ឋានយោធា ហើយស្រែកថា «ដោះលែងប៉ាឡេស្ទីន» នៅពេលគាត់ កំពុងដុតខ្លួនឯងនោះ។

សារព័ត៌មាន New York Times បានរាយការណ៍ថា ឈ្មោះដែលបាតុករនេះ ប្រើដើម្បីកំណត់អត្តសញ្ញាណខ្លួនឯង នៅក្នុងវីដេអូត្រូវគ្នានឹងប្រវត្តិរូបរបស់មន្ត្រីម្នាក់កំពុងបម្រើលការងារ ដែលជាធម្មតាមានមូលដ្ឋាន នៅរដ្ឋតិចសាស។

លោក Rose Riley អ្នកនាំពាក្យរបស់កងទ័ពអាកាស ក្រោយមកបានបញ្ជាក់ប្រាប់សារព័ត៌មាន Washington Post ថា ឧបទ្ទវហេតុនេះ ជាប់ពាក់ព័ន្ធនឹងមន្ត្រីទ័ពអាកាសដែលកំពុងបម្រើការងារ។

អ្នកពន្លត់អគ្គិភ័យ និងមន្ត្រីសេវាសម្ងាត់អាមេរិក ត្រូវបានហៅទៅកាន់កន្លែងកើតហេតុ នៅភាគពាយព្យទីក្រុងវ៉ាស៊ីនតោន នៅម៉ោងប្រហែល១រសៀលម៉ោង នៅភាគខាងកើត កាលពីថ្ងៃអាទិត្យ។

អ្នកនាំពាក្យស្ថានទូតអ៊ីស្រាអែល បាននិយាយថា បុរសនោះ បានដុតខ្លួនឯងនៅខាងក្រៅស្ថានទូតអ៊ីស្រាអែលក្នុងទីក្រុងវ៉ាស៊ីនតោន ហើយត្រូវបានគេបញ្ជូនទៅមន្ទីរពេទ្យតាមរថយន្តសង្គ្រោះ។

អ្នកនាំពាក្យរូបនេះ បាននិយាយថា៖ «បុរសនោះ មិនស្គាល់អត្តសញ្ញាណទេ។ «មិនមានបុគ្គលិកស្ថានទូតណាម្នាក់រងរបួសទេ គឺមានសុវត្ថិភាព»។