សហរដ្ឋអាមេរិកនិងអង់គ្លេស បានធ្វើការវាយប្រហារដោយយោធាទ្រង់ទ្រាយធំជុំមួយទៀតនៅពេលយប់ កាលពីថ្ងៃអាទិត្យលើកន្លែងជាច្រើនក្នុងតំបន់ដែលកាន់កាប់ដោយក្រុមហ៊ូធីយ៉េម៉ែន ដែលគោលដៅស៊ីវិលក្នុងនោះរួមមាន រោងចក្រផលិតថ្នាំសម្លាប់សត្វល្អិតក៏បានរងការវាយប្រហាចម្រុះលើកដំបូងផងដែរ។

យោងតាមបញ្ជាការកណ្ដាលរបស់អាមេរិកបានអោយដឹងថា កងទ័ពសហរដ្ឋអាមេរិក និងអ់គ្លេស បានវាយប្រហារ១៨គោលដៅរបស់ក្រុមហ៊ូធី ក្នុងប្រទេសយ៉េម៉ែននៅក្នុងការវាយប្រហារតាមអាកាស។

ក្រុមហ៊ីធី បាននិយាយថា កងទ័ពចម្រុះបានវាយប្រហារតាមអាកាស២៣លើក នៅក្នុងខេត្ដដូចជា ហាចា (Hajjah) និងខេត្ដតៃស៍Taiz)ក៏ដូចជារដ្ឋធានីសាណាអា(Sanaa)ផងដែរ។

រោងចក្រសម្លាប់សត្វល្អិតមួយដែលតាំងនៅភាគខាងលិចនៃរដ្ឋធានីគឺបានរងការបំផ្លាញធ្ងន់ធ្ងរបន្ទាប់ពីវា បានរងការវាយប្រហារចំ៣លើកនៅក្នុងការវាយប្រហារតាមអាកាសដោយដំបូលអគារខ្លះបានប៉ើងចេញហើយនិងជញ្ជាំងប៉ើងធ្លាក់មកក្រោម។

អាប់ឌុល រ៉ាម៉ាន់ អាល់មូចាហ៊ីតជាបុគ្គលិកនៃរោងចក្រផលិតថ្នាំសម្លាប់សត្វល្អិតដែលរងការទម្លាក់គ្រាប់បែក បានប្រឆាំងថា កងទ័ពចម្រុះកំពុងមានចេតនាវាយប្រហារលើរោងចក្រស៊ីវិល ជាមួយនឹងគោលបំណងមួយគឺធ្វើសេដ្ឋកិច្ចរបស់ប្រទេសដែលហែកហួរដោយសង្រ្គាមមួយនេះ ធ្លាក់ចុះកាន់តែធ្ងន់ធ្ងរឡើងៗគ្មានទីបញ្ចប់ឡើយ៕