ប្រជាពលរដ្ឋ និងនិស្សិតខ្មែរ ដែលកំពុងរស់នៅប្រទេសអូស្ត្រាលី និងនូវ៉ែលហ្សេឡង់នៅថ្ងៃទី២៨ ខែកុម្ភៈ ឆ្នាំ២០២៤នេះ បានបន្តចេញវីដេអូប្រកាសគាំទ្រ និងរង់ចាំ​ស្វាគមន៍​ដំណើរ​ទស្សន​កិច្ច​ផ្លូវ​ការ​របស់​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង​លោក​ជំទាវបណ្ឌិត ពេជ ចន្ទមុនី ហ៊ុនម៉ាណែត ដែលនឹងដឹកនាំ​ប្រតិភូ​កម្ពុជា​អញ្ជើញ​ចូល​រួម​ក្នុង​កិច្ច​ប្រជុំ​កំពូល​អាស៊ាន-អូស្ត្រាលី នៅទីក្រុងម៉ែលប៊នប្រទេសអូស្ត្រាលី ចាប់ពីថ្ងៃទី២ ដល់ថ្ងៃទី៦ ខែមីនា ឆ្នាំ២០២៤ ខាងមុខនេះ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និង​លោក​ជំទាវ​បណ្ឌិត​នឹង​អញ្ជើញ​ចូលរួម​ក្នុង​កិច្ចប្រជុំកំពូលអាស៊ាន-អូស្ត្រាលី នៅទីក្រុងម៉ែលប៊ន ប្រទេសអូស្ត្រាលី ពីថ្ងៃទី២ ដល់​ថ្ងៃ​ទី៦ ខែមីនា ខាងមុខនេះ។ ក្នុងដំណើរនៃការបំពេញទស្សនកិច្ចនេះសម្តេចធិបតី និងលោក​ជំទាវ​បណ្ឌិត​ក៏​នឹង​មាន​ជំនួប​សំណេះសំណាល​ជាមួយបងប្អូន​សហគមន៍​ខ្មែរ​រស់​នៅ​ក្នុង​ប្រទេស​អូស្ត្រាលី និងនូវ៉ែលហ្សេឡង់ផងដែរ។

មុនពេលការចេញដំណើររបស់សម្ដេចធិបតី និងគណៈប្រតិភូកម្ពុជា ប្រជាពលរដ្ឋខ្មែរ​ដែល​កំពុង​រស់​នៅ​ប្រទេស​អូស្ត្រាលី និងប្រទេសនូវ៉ែលហ្សេឡង់ បានសារជាវីដេអូបង្ហាញការគាំទ្រ និង​សេចក្ដី​រីករាយរង់ចាំស្វាគមន៍ដំណើរទស្សនកិច្ចផ្លូវការរបស់សម្តេចធិបតី នាយករដ្ឋមន្ត្រី និង​លោក​ជំទាវ​បណ្ឌិត នៅប្រទេសអូស្ត្រាលីនាពេលខាងមុខនេះ។

សូមជម្រាបថា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង​លោក​ជំទាវបណ្ឌិត ពេជ ចន្ទមុនី ហ៊ុនម៉ាណែត ស្ត្រីទីមួយ​កម្ពុជា​នឹង​អញ្ជើញ​ចូល​រួម​ក្នុង​កិច្ច​ប្រជុំ​កំពូល​ពិសេសអាស៊ាន-អូស្ត្រាលី ចាប់ពីថ្ងៃទី២ដល់ថ្ងៃទី៦ ខែមីនាឆ្នាំ២០២ខាងមុខនេះ។ ខណៈ​ពេល​នេះ ប្រជាពលរដ្ឋខ្មែររស់នៅប្រទេសអូស្រ្តាលី និងនូវែលហ្សេឡង់ បង្ហាញ​ក្ដី​សប្បាយ​រីករាយ និងត្រៀមខ្លួនរួចជាស្រេចក្នុងការទទួលស្វាគមន៍ការអញ្ជើញរបស់សម្តេចធិបតី និង​លោក​ជំទាវ​បណ្ឌិត​មក​កាន់ប្រទេសអូស្ត្រាលីនាពេលខាងមុខនេះ៕ អត្ថបទ៖ វ៉ន ដារ៉ា