ទីក្រុងភាគខាងលិច Brasileia ស្ថិតក្នុងរដ្ឋ Acre របស់ប្រទេសប្រេស៊ីល បាននៅដាច់ដោយឡែកពីគេ ដោយសារទឹកទន្លេឡើងខុសពីធម្មតាបណ្តាលមកពីភ្លើងធ្លាក់ខ្លាំងបង្កជាទឹកជំនន់ និងធ្វើឲ្យប៉ះពាល់ដល់តំបន់ជាច្រើន ចាប់តាំងពីសប្តាហ៍មុនរហូតមក ក្នុងនោះ មនុស្សជាង ១ម៉ឺននាក់ ត្រូវបានបង្ខំចិត្តជម្លៀសខ្លួន ។

រូបភាពយានដ្រូន ឃើញទីក្រុងមួយនេះ រងការជន់លិច ជាទីដែលប្រជាពលរដ្ឋ ១១.០០០នាក់ បាត់បង់ផ្ទះសម្បែងរបស់ពួកគេ ឬត្រូវជម្លៀសខ្លួន ហើយទីក្រុងចំនួន ១៧ ក្នុងចំណោម ទីក្រុងចំនួន ២២ ត្រូវបានប្រកាសអាសន្ន ។

កម្រិតទឹកបានឡើងជិតឈានដល់កំណត់ត្រា ១៥,៥៥ម៉ែត្រ ធ្លាប់រកឃើញកាលពីឆ្នាំ ២០១៥នៅទីក្រុង Brasileia ដែលនៅដាច់ដោយឡែកពីគេកាលពីថ្ងៃអាទិត្យ ពេលដែលក្រុមអាជ្ញាធរ បិទផ្លូវគោកឆ្លងកាត់ស្ពានដែក Jose Augusto ទៅកាន់ទីក្រុងមួយនេះ ។

មនុស្សប្រហែល ១.៨០០គ្រួសារ ត្រូវបានជម្លៀសខ្លួន ហើយរដ្ឋាភិបាលក្នុងស្រុកបានផ្តល់ស្បៀងអាហារ ដល់គ្រួសារដែលរងផលប៉ះពាល់ដោយសារទឹកជំនន់ ៕