អ្នកជម្ងឺតម្រងនោមម្នាក់ ក្នុងក្រុងរ៉ាហ្វា (Rafah) ជាក្រុងមួយនៅចុងខាងត្បូងតំបន់ហ្កាហ្សា និយាយថា អ្នកស្រីកំពុងតស៊ូរស់ដោយមិនមានការថែទាំនិងការផ្គត់ផ្គង់ផ្នែកវេជ្ជសាស្រ្តដ៏ចាំចាច់នោះឡើយ ស្របពេលដែល ការគំរាមកំហែងពីការវាយលុកថ្មើរជើងទ្រង់ទ្រាយធំរបស់អ៊ីស្រាអែលដែលនឹងចូលមកដល់។

កត្ដានេះ បានធ្វើឲ្យស្ថានភាពរស់នៅរបស់ជនភៀសខ្លួនក្នុងក្រុងរ៉ាហ្វាកាន់តែពិបាកឡើងៗរកទី

បញ្ចប់គ្មាន។

អ៊ីស្រាអែលបានផ្ដល់សញ្ញានៃចេតនារបស់ខ្លួនថ្មីៗនេះ នៅក្នុងការចាប់ផ្ដើមប្រតិបត្ដិការថ្មើរជើងក្នុងក្រុងនេះដើម្បីកម្ទេចក្រុមហាម៉ាស និងជួយសង្រ្គោះចំណាប់ខ្មាំងអ៊ីស្រាអែល។

ក្រុងរ៉ាហ្វា ក្នុងពេលឆាប់ៗនេះ អាចក្លាយជាសមរភូមិមួយ ហើយប្រតិបត្ដិការរបស់អ៊ីស្រាអែលដែលនឹង ចាប់ផ្ដើមក្នុងពេលឆាប់ៗនេះ បានធ្វើអោយសហគមន៍អន្ដរជាតិព្រួយបារម្ភកាន់តែច្រើនឡើងៗផងដែរ។

អ្នកស្រី ឃូលី អាល់ សាទ្រី(Khouly Al-Satri) ជាអ្នកជម្ងឺតម្រងទឹកនោមបានប្រាប់អ្នកឆ្លើយឆ្លងបណ្ដាញទូរទស្សន៍សកលរបស់ចិនឬ(CGTN)ថា កង្វះការផ្គត់ផ្គង់ដែលចាំបាច់សម្រាប់ការរស់នៅក្នុងជីវិតធម្មតាក្នុងតំបន់ហ្កហ្សា។ អ្នកស្រីនិយាយថា អ្នកស្រីមានអាការៈអស់កម្លាំង និងខ្សោយ ខណៈដែលអ្នកស្រីមិនអាចទទួលទានអាហារ និងផឹកទឹកបានដោយសារតែត្រូវលាងឈាម។