ក្រុមទាហានអ៊ុយក្រែនដែលឈរជើងនៅជិតក្រុងបាក់មុតបាននិយាយកាលពីថ្ងៃពុធថា ពួកគេត្រូវការអាវុធធុនធ្ងន់ និងគ្រាប់រំសេវបន្ថែមទៀត ដើម្បីវាយរុញសត្រូវឲ្យមកក្រោយ។

ខណៈពួកគេបាញ់កាំភ្លើងផ្លោងដាក់ទីតាំងសត្រូវ ទាហានអ៊ុយក្រែនម្នាក់ឈ្មោះ មីខៃឡូ(Mykhailo)និយាយថា ដោយគ្មានការផ្គត់ផ្គត់យោធាបន្ថែម កងទ័ព អាចត្រឹមតែធ្វើសកម្មភាពការពារខ្លួន ជាជាងវាយបក។

យោធាអ៊ុយក្រែន និងប្រធានាធិបតីវ៉្លូឌីមៀហ្សេលិនស្គី បាននិយាយាម្ដងហើយម្ដងទៀតថា កងទ័ព កំពុងខ្វះខាត ឧបករណ៍យោធា និងគ្រាប់រំសេវ ដែលត្រូវវាយបកទៅនឹងការវាយប្រហាររបស់រុស្ស៊ី ពីព្រោះ

តែកង្វះខាតជំនួយយោធាពីសម្ព័នមិត្ដបស្ចឹមប្រទេស។

អាជ្ញាធរអ៊ុយក្រែន បាននិយាយថា កងទ័ពរុស្ស៊ី កាលពីសប្ដាហ៍មុន បានដណ្ដើមកាន់កាប់ក្រុងអាវឌីវអ៊ីវកា ជាក្រុងយុទ្ធសាស្ត្រមួយ នៅភាគខាងកើតអ៊ុយក្រែន បន្ទាប់ពីការប្រយុទ្ធគ្នាអស់ជាច្រើនខែ ហើយកំពុងដាក់ សម្ពាធលើតំបន់ផ្សេងៗទៀតនៅខ្សែជួរមុខ។

យោធាអ៊ុយក្រែន បាននិយាយថា សប្ដាហ៍នេះ ខ្លួនបានដកទ័ពថយចេញពីភូមិ២បន្ថែមទៀត នៅជិតក្រុងអាវឌីវអ៊ីវកា ដែលជាការបាត់បង់ដែនដីថែមទៀតខណៈការគាំទ្រពីសម្ព័នមិត្ដលោកខាងលិចកាន់តែតិចទៅៗនោះ៕