នាយករដ្ឋមន្រ្តីប៉ូឡូញលោក Donald Tusk និយាយថា ប៉ូឡូញពុំច្រានចោលឡើយចំពោះលទ្ធភាពនៃការណែនាំបំរាមលើការនាំចូលផលិតកសិកម្មពីរុស្ស៊ី ។ លោក Tusk ថ្លែងបែបនេះ អំឡុងដំណើរទស្សនកិច្ចរបស់សមភាគីឡាតវីទៅកាន់ទីក្រុងវ៉ាសូវី ដែលប្រទេសមួយនេះ បានអនុម័តរួចទៅហើយបំរាមនំាចូលកសិកម្មរុស្ស៊ី ។

ដូចគ្នានឹងប្រទេសជាច្រើនទៀតដែរនៅអឺរ៉ុប ប៉ូឡូញ បានមើលឃើញបាតុកម្មអស់រយៈពេលជាច្រើនសប្តាហ៍មកហើយ ពេលដែលក្រុមប្រជាកសិករនាំគ្នាតវ៉ាប្រឆាំងនឹងច្បាប់បរិស្ថានសហភាពអឺរ៉ុប និងការប្រកួតប្រជែងពុំយុត្តិធម៌ពីអ៊ុយក្រែន ចាប់តាំងពីប្លុកមួយនេះ លើកលែងពន្ធនាំចូលកាលពីឆ្នាំ ២០២២ ។

ទោះបីជាយ៉ាងណាក៏ដោយ លោក Tusk និយាយថា ផលិតផលកសិកម្មពីរុស្ស៊ី និងបេឡារុស បណ្តាលឲ្យខូចទីផ្សារផងដែរ។

លោកបន្តថា ពួកយើងនឹងវិភាគលើករណីរបស់ឡាតវីដែលហាមឃាត់ការនំាំចូលផលិតកសិកម្មពីរុស្ស៊ី ហើយលោកក៏មិនច្រានចោលនោះដែរ ចំពោះលទ្ធភាពនៃការធ្វើរឿងតែមួយ ៕