រុស្ស៊ីបាននិយាយកាលពីថ្ងៃព្រហស្បតិ៍ថា ខ្លួនបានដណ្ដើមកាន់កាប់ទីតាំងថ្មីមួយទៀតក្នុងក្រុងរ៉ូបូទីន(Robotyne) ក្នុងតំបន់ហ្សាប៉ូរីហ្សា(Zaporizhia) ខណៈខាអ៊ុយក្រែនបញ្ជាក់នៅថ្ងៃជាមួយគ្នថា យោធារបស់ខ្លួនបានបាញ់ទម្លាក់យន្ដហោះចម្បាំងរុស្ស៊ី១គ្រឿង។

យោងតាមវីដេអូមួយដែលផ្សព្វផ្សាយកាលពីថ្ងៃព្រហស្បតិ៍ ដោយក្រសួងការពារជាតិរុស្ស៊ី បានអោយដឹងថា កងទ័ពជាតិប្រចាំនៅយុទ្ធភូមិភាគខាងត្បូង បានដណ្ដើមកាន់កាប់ និងបានធានាសន្ដិសុខទីតាំងថ្មីមួយទៀត នៅក្នុងក្រុង រ៉បូទីន(Robotyne)។

ក្រសួងការពារជាតិថ្លែងថា កងទ័ពរុស្ស៊ីបានដណ្ដើមកាន់កាប់ភូមិប៉េត្រូវស្កយនៅមុខព្រួញ អាវដេយេវកា (Avdeyevka) ដែលជាការកាន់កាប់ទីតាំងមួយបន្ថែមទៀត។

មេបញ្ជាការទ័ពអាកាសអ៊ុយក្រែនលោក មីកូឡា អូលេសឈុក(Mykola Oleschuk)បាននិយាយកាលពីថ្ងៃព្រហស្បតិ៍នៅលើគណនីបណ្ដាញព័ត៌មានសង្គមផ្លូវការថា កងទ័ពជាតិបានបាញ់ទម្លាក់យន្ដហោះចម្បាំង

រុស្ស៊ី១គ្រឿងធុនSu-34 នៅភាគខាងកើតនៅព្រឹកថ្ងៃដដែលនោះ។

នាយអគ្គសេនាធិការកងទ័ពអ៊ុយក្រែនបានថ្លែងនៅថ្ងៃជាមួយគ្នាថា កងទ័ពអាកាសរបស់ប្រទេសនេះបានធ្វើការវាយប្រហាទៅលើតំបន់បុគ្គលិកយោធារុស្ស៊ី៨កន្លែង និងកន្លែងប្រមូលផ្ដុំគ្រឿងយុទ្ធោបករណ៍ ដោយបានបំផ្លាញកាំភ្លើងធំ៤ដើមនៅក្នុងរយៈពេល២៤ម៉ោងចុងក្រោយ៕