ហាម៉ាស ៖ ក្រុមហាម៉ាស បាននិយាយកាលពីថ្ងៃសុក្រថា ចំណាប់ថ្នូរចំនួន៧ នាក់ដែលត្រូវបានឃុំខ្លួន នៅតំបន់ហ្កា ហ្សាស្ទ្រីប បានស្លាប់។

ក្រុមនេះ បានស្តីបន្ទោសការស្លាប់លើការវាយប្រហាររបស់អ៊ីស្រាអែល ហើយបាននិយាយថា យុទ្ធជនមួយចំនួនរបស់ខ្លួន ក៏ត្រូវបានសម្លាប់ផងដែរ ដោយបានបន្ថែមថា ចំនួនចំណាប់ថ្នូរដែលត្រូវបានសម្លាប់ឥឡូវនេះ អាចលើសពី៧០នាក់។

សារព័ត៌មាន BBC មិនអាចផ្ទៀងផ្ទាត់ដោយឯករាជ្យអំពីចំនួនស្លាប់នេះទេ។

ភ្លាមៗនោះ ពុំមានការបញ្ជាក់ច្បាស់ថាតើអ្នកស្លាប់ទាំងនេះ ស្ថិតក្នុងចំណោមចំណាប់ថ្នូរ ៣១នាក់ ដែល  អ៊ីស្រាអែលជឿថា បានស្លាប់រួចទៅហើយ ឬយ៉ាងណា។

មិនទាន់មានការអត្ថាធិប្បាយណាមួយពីអ៊ីស្រាអែលនៅឡើយទេ ហើយក្រុមហាម៉ាស ក៏មិនបានផ្តល់ភ័ស្តុតាងច្បាស់លាស់នោះដែរ។

ក្រុមហាម៉ាស បានចាប់ចំណាប់ថ្នូរចំនួន ២៥៣នាក់ នៅពេលដែលក្រុមសកម្មប្រយុទ្ធ បានបើកការវាយប្រហារលើភាគខាងត្បូងអ៊ីស្រាអែលកាលពីថ្ងៃទី៧ ខែតុលា ហើយបានសម្លាប់មនុស្សប្រហែល ១.២០០ នាក់។

អ៊ីស្រាអែល បានឆ្លើយតបដោយការបើកយុទ្ធនាការតាមអាកាស និងថ្មើរជើងទ្រង់ទ្រាយធំ ដើម្បីកម្ទេចក្រុមហាម៉ាស។ ក្រសួងសុខាភិបាលដែលគ្រប់គ្រងដោយក្រុមហាម៉ាស់ បាននិយាយថា ជនជាតិប៉ាឡេ   ស្ទីនជាង ៣០.000នាក់ ត្រូវបានសម្លាប់ នៅក្នុងតំបន់ហ្កាហ្សា ជាលទ្ធផល ហើយអង្គការសហប្រជាជាតិកំពុងព្រមានអំពីទុរ្ភិក្សដែលកំពុងកើតមាន នៅភាគខាងជើងនៃដែនដីនេះ។