កងទ័ពរុស្ស៊ី និងកងទ័ពអ៊ុយក្រែន បានបន្ដប្រយុទ្ធគ្នា កាលពីថ្ងៃអាទិត្យ ដោយភាគីទាំងពីរបានអះអាងពីការវាយទប់ទៅវិញទៅមក។

ក្រសួងការពារជាតិរុស្ស៊ី បានចេញរបាយការណ៍សង្រ្គាមមួយកាលពីថ្ងៃអាទិត្យថា កងទ័ពរុស្ស៊ី បានវាយទប់នឹងការវាយប្រហារជាច្រើនរបស់កងទ័ពអ៊ុយក្រែន នៅសមរភូមិផ្សេងៗ ក្នុងនោះរួមមានតំបន់គូពីយ៉ាំង ដូនេត និងអាវដេយេវកា (Avdeyevka)ក៍ដូចជាបានវាយប្រហាលើប្រព័ន្ធកាំភ្លើងធំ ស្ថានីយសង្រ្គាមអេឡិចត្រូនិក និងគោលដៅផ្សេងៗទៀត។

កងទ័ពអាកាសរុស្ស៊ី បានស្ទាក់ចាប់អាវុធបាញ់ចេញជើងទម្រពហុជំនាញហ៊ីម៉ាស (HIMARS) និងយានដ្រូនជាច្រើនគ្រឿងដែលវាយប្រហារដោយកងទ័ពអ៊ុយក្រែន។

នៅថ្ងៃជាមួយគ្នានោះ នាយអគ្គសេនាធិការកងទ័ពអ៊ុយក្រែន បានចេញរបាយការណ៍សង្រ្គាមមួយដែលបញ្ជាក់ថា កងទ័ពអ៊ុយក្រែន បានវាយលុកនៅក្នុងការឆាកប្រយុទ្ធរាប់សិបលើក ជាមួយកងទ័ពរុស្ស៊ីនៅសមរភូមិជាច្រើន។ កង័ពអាកាសអ៊ុយក្រែនថែមទាំងបានធ្វើសកម្មភាពវាយប្រហារលើបុគ្គលិកយោធារុស្ស៊ី និងទីតាំងយុទ្ធោបករណ៍ជាច្រើនកន្លែងទៀតផង៕