នៅព្រឹកថ្ងៃទី៥ ខែមីនា ឆ្នាំ២០២៤នេះ ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ បាន​អញ្ជើញជាអធិបតីក្នុងពិធីសិក្ខាសាលា ស្ដីពីកម្មវិធី​បណ្ដុះបណ្ដាល​បដិសណ្ឋារកិច្ច​កម្ពុជា​ សម្រាប់​ខេត្តសៀមរាប ក្រោមការគាំទ្ររបស់មូលនិធិអភិវឌ្ឍន៍ជំនាញ។

សិក្ខាសាលានេះ មានគោលបំណងផ្សព្វផ្សាយពីកម្មវិធីបណ្តុះបណ្តាលបដិសណ្ឋារកិច្ចកម្ពុជា (HoKa) ដល់ប្រតិបត្តិករ ទេសចរណ៍ គ្រឹះស្ថានបណ្តុះបណ្តាលវិជ្ជាជីវៈទេសចរណ៍ និង​ភាគី​ពាក់ព័ន្ធ លើគម្រោងសាកល្បងក្រោមកិច្ចសហកា ជាមួយមូលនិធិអភិវឌ្ឍន៍ជំនាញ ក្លឹប​ទេសចរណ៍​ខេត្តសៀមរាប និងអង្គការអន្តរជាតិខាងការងារ (ILO) ដើម្បីរៀបចំសំណើរ​​គម្រោង​បណ្តុះ​បណ្តាល​ជំនាញទេសចរណ៍រួមមាន បណ្តុះបណ្តាលគ្រូបង្គោល ហូកា ជំនាញ​ការិយាល័យ​ជួរ​មុខ ជំនាញសេវាកម្មម្ហូបអាហារ និងភេសជ្ជៈ និង ជំនាញចុងភៅ។ បណ្តុះបណ្តាល​ពង្រឹង​សមត្ថភាព​ (Up-Skilling)៖ ជំនាញការិយាល័យជួរមុខ ជំនាញសេវាកម្មម្ហូបអាហារ និងភេសជ្ជៈ ជំនាញ​ចុងភៅ និងជំនាញឆុងកាហ្វេ។