អ្នកនាំពាក្យជាន់ខ្ពស់របស់មន្ទីរបញ្ចកោណ បាននិយាយកាលពីថ្ងៃអង្គារថា សហរដ្ឋអាមេរិក កំពុងសម្លឹងរកមើលការបង្កើតច្រករបៀងសមុទ្រមួយ ដើម្បីបញ្ជូនជំនួយទៅកាន់តំបន់ហ្កាហ្សាតាមសមុទ្រ ចំពេលមានវិបត្តិមនុស្សធម៌ កាន់តែធ្ងន់ធ្ងរ។

លោកឧត្តមសេនីយ៍ឯក Pat Ryder មន្ត្រីជាន់ខ្ពស់ទទួលផ្នែកព័ត៌មាន បានប្រាប់អ្នកយកព័ត៌មានថា៖«នៅក្នុងការសម្របសម្រួលជាមួយអន្តរទីភ្នាក់ងាររបស់សហរដ្ឋអាមេរិក និងដៃគូអន្តរជាតិ យើងកំពុងពិនិត្យមើលយ៉ាងសកម្មនូវជម្រើសសម្រាប់ច្រករបៀងសមុទ្រសម្រាប់ជំនួយមនុស្សធម៌ទៅកាន់តំបន់ហ្កាហ្សា រួមទាំងជម្រើសពាណិជ្ជកម្ម និងកិច្ចសន្យាដ៏សំខាន់នោះ»។

លោកនឹងមិននិយាយទៅកាន់ជម្រើសដែលកំពុងត្រូវបានពិនិត្យនោះទេ ប៉ុន្តែបានបន្ថែមថា យោធាសហរដ្ឋអាមេរិក «នឹងគ្រាន់តែជាតួនាទីគាំទ្រប៉ុណ្ណោះ ក្នុងការផ្តល់ជំនួយ ដែលជាកិច្ចខិតខំប្រឹងប្រែងដឹកនាំដោយទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ។

លោក Ryder បានបញ្ជាក់ថា៖«ប្រសិនបើយើងចូលរួមក្នុងរឿងនោះ វានឹងស្ថិតក្នុងទម្រង់នៃសមត្ថភាព របស់ក្រសួងការពារជាតិតែមួយគត់» ។ «យើងនឹងបន្តធ្វើការជាមួយនឹងអន្តរទីភ្នាក់ងារ លើអ្វីដែលអាចនឹងដំណើរទៅមុខ»។