ការផ្ទុះមួយបានកើតឡើងនៅក្រុងព្រំដែនមួយក្នុងតំបន់ហ្កាហ្សា នៅព្រឹកថ្ងៃពុធនេះ ខណ:ដែលការវាយប្រហារចេញពីកងទ័ពអ៊ីស្រាអែល នៅតែបន្ដធ្វើ ស្របពេលដែលការចរចាបទឈប់បាញ់រវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាស កំពុងប្រព្រឹត្ដទៅ។

ក្រុមហាម៉ាស បាននិយាយ នៅក្នុងសេចក្ដីថ្លែងការណ៍មួយនៅថ្ងៃពុធនេះថា ពួកគេនឹងបន្ដការចរចាតាមរយ: អ្នកសម្របសម្រួលរហូតទាល់តែពួកគេឈានដល់កិច្ចព្រមព្រៀងឈប់បាញ់មួយជាមួយអ៊ីស្រាអែល។

ក្រុមហាម៉ាស បានបន្ថែមថា យើងកំពុងបង្ហាញពីភាពបត់បែនដែលតម្រូវអោយមាន ដើម្បីឈានទៅ បញ្ចប់ការឈ្លានពានទាំងស្រុងប្រឆាំងនឹងប្រជាជនរបស់យើង ប៉ុន្ដែការកាន់ទឹកដីគឺនៅតែចៀសផុតពី ចំណងជើងនៃកិច្ចព្រមព្រៀងនៅឡើយ៕

អ្នកចរចាមកពីក្រុមហាម៉ាស ប្រទេសកាតា និងអេហ្ស៊ីប ប៉ុន្ដែមិនមានអ៊ីស្រាអែលចូលរួមកំពុងស្ថិតនៅក្នុងក្រុងគែរ កំពុងព្យាយាមធានាអោយមានបទឈប់បាញ់រយ:ពេល៤០ថ្ងៃនៅក្នុងសង្រ្គាមរវាងអ៊ីស្រាអែល និងក្រុមអ៊ីស្លាមនិយម នៅក្នុងអំឡុងពេលខែបុណ្យរ៉ាម៉ាដាន់របស់សាសនាអ៊ីស្លាមដែលនឹងចាប់ផ្ដើមនៅសប្ដាហ៍ក្រោយ៕