ភ្នំពេញ ÷ មជ្ឈមណ្ឌលសកម្មភាពកំចាត់មីនកម្ពុជា ហៅកាត់ថាCMAC បានប្រារព្វពិធីសំណេះសំណាលជាមួយ ស្ត្រីបំរេីការងារក្នុងតួនាទី​ និងជំនាញនានា នៅអង្គភាពសុីម៉ាក់ ទាំងមូលចំនួនជាង៣៤០នាក់​ ដើម្បីអបអរសាទរទិវាអន្តរជាតិនារី៨ មីនាឆ្នាំ២០២៤ក្រោមប្រធានបទ« ស្ត្រីនិងក្មេងស្រីក្នុងបរិវត្តកម្មឌីជីថល » ដែលបានប្រារព្វឡើងនាថ្ងៃទី ៦ មីនា២០២៤នេះនៅទីបញ្ជាការស៊ីម៉ាក់ក្នុងរាជធានីភ្នំពេញ។

 ឯកឧត្តម ហេង រតនា ប្រតិភូរាជរដ្ឋាភិបាលទទួល បន្ទុកជាអគ្គនាយកស៊ីម៉ាក់ក្នុងខណះជាអធិបតីបានមានប្រសាសន៍ថា ស្ត្រីនៃអង្គភាពស៊ីម៉ាក់ត្រូវបានទទួលបានការកោតសសើរយ៉ាងខ្លាំងពីមជ្ឍដ្ឋានទាំងក្នុងនិងក្រៅប្រទេស ថាជាយុទ្ធនារីដែលមានភាពអង់អាចក្លាហានមិនចាញ់បុរសក្នុងបុព្វហេតុដើម្បីសុខសុវត្ថិភាពសង្គម ជាតិ។ជាពិសេសជួយកាត់ បន្ថយមិនឲ្យមានមនុស្សនិងសត្វត្រូវរងគ្រោះថ្នាក់របួសពិការឬបាត់បង់ជីវិតតទៅទៀត តាមរយះសកម្មភាពប្រឹង ប្រែងធ្វើការបោសសំអាតមីននិងគ្រាប់យុទ្ធភណ្ឌមិនទាន់ផ្ទុះទាំងស្ថិតនៅក្នុងដី ព្រៃភ្នំ និង នៅក្រោមបាតទឹកស្ទឹងបឹងទន្លេ ដោយមិនគិតពីគ្រោះថ្នាក់ដល់ខ្លួនឬពីការនឿយហត់នោះឡើយ ។

 ឯកឧត្តមបានបន្តថា ស្រ្តីដែលកំពុងបម្រើ ការងារក្នុងអង្គភាពស៊ីម៉ាក់នាពេលបច្ចុប្បន្នកាន់តែមានចំនួនច្រើន ឡើងដែលពីក្នុងឆ្នាំ១៩៩៣មានកម្លាំងស្ត្រីតែប្រមាណ១០ នាក់រហូតមកដល់ឆ្នាំ២០២៤នេះមានដល់ទៅ ជាង៣៣០ នាក់ ស្មេីប្រមាណជាង១៨%​ នៃមន្ត្រីជំនាញសរុបដែលសុទ្ធ សឹងតែមានជំនាញនិងសមត្ថភាពខ្ពស់នោះ។  ទន្ទឹមនេះ ឯកឧត្តម ហេង រតនាក៍បានសំណូមពរដល់បុគ្គលិកជាស្តី្រទាំងអស់ គឺ ទី១ ត្រូវមានការជឿជាក់លើខ្លួន ឯងក្នុងការចូលរួមក្នុងសកម្មភាពអភិវឌ្ឍន៏សង្គម ដើម្បីលើកកំពស់សមភាពក្នុងសង្គម។ ត្រូវខិតខំបង្កើនសមត្ថ ភាពកំរិតយល់ដឹងផ្នែកឌីជីថល ។ត្រូវគោរពអនុវត្តនូវគោលការនីតិរដ្ឋច្បាប់ផ្សេងៗ ចូលរួមទប់ស្កាត់កាត់បន្ថយនូវគ្រោះ ថ្នាក់ អំពើហឹង្សាមាក់ងាយក្នុងគ្រួសារ ក្រុមការងារ ភាពក្រីក្រ បង្កើនចំណូលសេដ្ឋកិច្ចគ្រួសារ... ជាពិសេស ដោយ សារមីន និង យុទ្ធភណ្ឌមិនទាន់ផ្ទះ ។ ទី៣ ត្រូវចូល រួមបង្កើនការហ្វឹកហ្វឺន បន្ថែមលើចំណេះដឹងទូទៅ ទាំងភាសានិងជំនាញបច្ចេកទេសផ្សេងៗ ដើម្បីពង្រឹងសមត្ថ ភាពឲ្យស្របទៅតាមតំរូវការនៃតួនាទី មុខងារ របស់ស៊ីម៉ាក់ ក៏ដូច ជាសង្គមបច្ចុប្បន្ន ដែលអាចនាំឲ្យបាននូវការ កើន ឡើងនូវប្រាក់ ចំណូល/បៀវត្ស ផងដែរ។ ទី ៤ ត្រូវប្រកាន់ យកនូវលក្ខណសម្បត្តិថ្លៃថ្លា ឲ្យសមជាស្ត្រីដែលមានឥទ្ធិពលល្អរបស់ស្ត្រីនៅក្នុងសង្គមខ្មែរនិងគ្រួសារ ។ ជាអ្នកនាំសារ ដ៏មានប្រសិទ្ធិភាព នៅក្នុងសហគមន៍ ឲ្យជៀសផុតគ្រឿង ញៀន ជម្ងឺអេដស៍។ល។ជាអ្នកណែនាំពិភាក្សាផ្តល់យោ បល់ដើម្បី ឲ្យមានការផ្លាស់ប្តូរឥរិយាបទដ៏គ្រោះថ្នាក់ទាំង ឡាយ.។ ជាពិសេសត្រូវធ្វើ ជាបងស្រី ជាម្តាយ ប្រកប ដោយក្តីមេត្តាករុណា ទទួលខុស ត្រូវណែនាំ ផ្គត់ផ្គង់ និងបញ្ជូនប្អូននិងកូនស្រីៗ ឲ្យបានរៀនសូត្រដល់កំរិតសិក្សាខ្ពស់ ដូចប្អូននិងកូនប្រុសៗដែរ។ជាដៃគូ ដ៏សកម្មនិងទន់ភ្លន់ ក្នុងការដឹកនាំ ណែនាំអប់រំ ពិភាក្សាផ្តល់យោបល់ ឲ្យមានការផ្លាស់ប្តូរឥរិយាបទចូលរួមក្នុងការសំរេចចិត្ត ដែលមិនអាចអត់បាននៅក្នុងសង្គម គ្រួសារនីមួយៗ អនាគតគ្រួសារ កូនចៅ ការប្រកបមុខរបររកប្រាក់ចំណូល ។ល។

 នៅក្នុងឱកាសនោះដែរតំណាងឲ្យស្ត្រីបម្រើការងារនៅអង្គភាពស៊ីម៉ាក់ក៍សូមថ្លែងអំណរគុណ ចំពោះថ្នាក់ដឹកនាំ ស៊ីម៉ាក់ ដែលតែងតែបានខិតខំប្រឹងប្រែង ស្វះស្វែង គិតគូ ររិះរកមិនខ្លាចហត់នឿយ ពុះពារគ្រប់បញ្ហាលំបាកៗជាច្រើន ដែលមិនត្រឹមតែក្នុងកិច្ចការប្រតិបត្តិការបោសសម្អាតមីន/យុទ្ធភ័ណ្ឌមិនទាន់ផ្ទះ ដោយបញ្ចូលសមាសភាពនារីទៅក្នុងគម្រោងនានាពោលគឺ ថែមទាំងបាននិងកំពុងគិតគូ ដល់កិច្ចការសេវាសុខមាលភាព ព្រមទាំងការបង្កើនជំនាញបច្ចេកទេសនិង ចំណូលសេដ្ឋកិច្ច ដល់គ្រួសាររបស់បុគ្គលិកទៀតផង ៕ដោយ ÷ ភារម្យ