នៅក្នុងកិច្ចជំនួបទ្វេភាគីនៅទីក្រុងហ្លួងព្រះបាទ ប្រទេសឡាវ កាលពីថ្ងៃទី៦ ខែមីនា ឆ្នាំ២០២៤​ម្សិលមិញនេះ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួង​ការពារ​ជាតិ​កម្ពុជា និងនាយឧត្តមសេនីយ៍ ចាន់សាម៉ន ចាន់យ៉ាឡាត ឧបនាយករដ្ឋមន្ត្រី​រដ្ឋមន្ត្រី​ក្រសួង​ការពារ​ប្រទេស​ឡាវ បានសន្យាពង្រឹងកិច្ចសហប្រតបិត្តិការរវាងកងទ័ព នៃប្រទេស​ទាំង​ពីរ​ឲ្យ​កាន់​តែ​ល្អ​ប្រសើរបន្ថែមទៀតស្របទៅតាមកិច្ចព្រមព្រៀង និងកិច្ចខិតខំប្រឹង​ប្រែង​របស់​​ថ្នាក់​ដឹកនាំ​នៃ​ប្រទេសទាំ​ងពីរនាពេលកន្លងមក។

កិច្ចជំនួបដែលបានធ្វើឡើងបន្ទាប់ពីបញ្ចប់កិច្ចប្រជុំចង្អៀតរដ្ឋមន្រ្តីការពារជាតិអាស៊ាន ប្រមុខការ ពារ​ជាតិ នៃប្រទេសទាំងពីរ បានលើកឡើងអំពីទំនាក់ទំនងរវាងភាគីទាំងពីរ មានប្រពៃណីទំនាក់​ទំនង​ជា​បងប្អូន​នឹងគ្នាជាទំនាក់ទំនងមួយដែលមានវប្បធម៌ ប្រពៃណី ជាមួយគ្នាតាំង​ពី​យូរ​លុង​ណាស់​មក​ហើយ ពីមួយជំនាន់ទៅមួយជំនាន់ ហើយបានចាក់គ្រឹះរឹងមាំរហូតដល់សព្វថ្ងៃនេះ។

មុខការពារជាតិ នៃប្រទេសទាំងពីរ​ក៏បានសន្យាបន្ត​កិច្ច​សហប្រតិបត្តិការគ្នា​កាន់តែជិតស្និត​ថែម​ទៀត ជាពិសេសបន្តពង្រឹងនូវទំនាក់ទំនង ដែលសម្តេចតេជោ ហ៊ុន សែន អតីត​នាយករដ្ឋមន្ត្រី នៃ​ព្រះរាជា​ណា​ចក្រកម្ពុជា និងសម្តេចពិជ័យសេនា ទៀ បាញ់ អតីតឧបនាយករដ្ឋមន្ត្រី​ រដ្ឋមន្រ្តី​ក្រសួង​ការពារជាតិកម្ពុជា បានខិតខំកសាងឡើង នូវកិច្ចសហប្រតិបត្តិការ និងទំនាក់ទំនង​ដ៏​ល្អរវាង​ប្រទេសទាំងពីរកម្ពុជានិងឡាវក្នុងពេលកន្លងមក៕

អត្ថបទបាន ចក់រូបភាព នាយឧត្តមសេនីយ៍ទៀ សីហា