ភ្នំពេញ ៖ នៅព្រឹកថ្ងៃទី០៧ ខែមីនា ឆ្នាំ២០២៤ រដ្ឋបាលខណ្ឌច្បារអំពៅ បានរៀបចំពិធី អបអរសាទរ​ ខួបទី​១១៣​ ទិវាអន្តរជាតិ​នារី​ ០៨​ មីនា​ ឆ្នាំ​២០២៤​ ក្រោម​មូលបទ​ " ស្រ្តី​ និង​ក្មេង​ស្រី​ ក្នុង​បរិវត្ត​កម្ម​ឌីជីថល​ " ក្រោមអធិបតីភាព ឯកឧត្តម ប៉ា សុជាតិវង្ស អ្នកតំណាងរាស្ត្រ​មណ្ឌល​ភ្នំពេញនិងលោកជំទាវ។

ពីធីនេះក៏មានការចូលរួមផងដែរពីលោក អ៊ុំ ម៉ារ៉េត ប្រធានក្រុមប្រឹក្សាខណ្ឌ និងលោកស្រី , លោកចេង មុនីរ៉ា អភិបាលខណ្ឌច្បារអំពៅ និងលោកស្រី , លោកម៉ៅ សឿត អធិការ​នគរបាល​ខណ្ឌ លោកមេបញ្ជាការកងរាជអាវុធហត្ថខណ្ឌ និងមន្ត្រីជាស្ត្រីនៃរដ្ឋបាលខណ្ឌច្បារអំពៅ សរុ​ប​ចំនួន៣២៦នាក់ ។

ក្នុងអង្គពិធីខាងលើ ថ្នាក់ដឹកនាំ ក៏បានឡើងមានមតិសំណេះសំណាល និងបាន​សសើរ​លើក​តម្កើន​ចំពោះការខិតខំប្រឹងប្រែង និងគុណតម្លៃរបស់ស្ត្រី ដែលជាផ្នែកមួយខ្វះមិនបាន ក្នុង​កិច្ច​ការងារ​រដ្ឋបាល ពិសេសស្របតាមយុគ្គសម័យឌីជីថលនេះ៕ លីហេង