ក្រុងស្រ៊ីណាហ្កាភាគខាងជើងរបស់ប្រទេសឥណ្ឌា ត្រូវបានចាត់វិធានការរឹតបន្ដឹងសន្ដិសុខនៅថ្ងៃព្រហស្បតិ៍នេះ នៅមុននាយករដ្ឋមន្រ្ដីណារិន ដ្រាម៉ូឌី ធ្វើទស្សនកិច្ចទៅកាន់ទឹកដីសហព័ន្ធ ចាម៉ួនិងកាស្មៀរខាងមុខនេះ។

ដំណើរនេះ នឹងជាទស្សនកិច្ចលើកដំបូងរបស់លោក បន្ទាប់ពីការធ្វើនិរាករណ៍មាត្រា៣៧០ ដែលតម្រូវអោយដកហូតឋាន:ពិសេសដែលបានផ្ដល់ទៅអោយតំបន់នេះ។ពោលគឺ ត្រូវបញ្ចូលទឹកដីទាំងពីរទៅក្នុងរដ្ឋ

បាលសហព័ន្ធ។

កម្លាំងសន្ដិសុខដ៏ច្រើន ត្រូវបានដាក់ពង្រាយនៅលើផ្លូវនានានៃក្រុងស៊្រីណាហ្កា (Srinagar) ខណ:ដែលបុគ្គលិក ប្រដាប់អាវុធ ត្រូវបានគេឃើញឈរការពារនៅចំណុចច្រកចូល ហើយនិកន្លែងត្រួតពិនិត្យ។

លោកម៉ូឌីត្រូវគេរំពឹងថា នឹងធ្វើការប្រការពីបញ្ហាសំខាន់ៗសម្រាប់ការអភិវឌ្ឍន៍ខណ:ដែលលោកស្វែងរកអណត្ដិទី៣ជាបន្ដ ជានាយករដ្ឋមន្រ្ដីក្នុងឆ្នាំ២០២៤នេះ៕