អ្នកស្រី Dupe Killa-Kafidipe គ្រប់គ្រងស្រះចិញ្ចឹមត្រីដែលអ្នកស្រីនិយាយថា គឺជាដំណោះស្រាយប្រកបដោយនិរន្តរភាពចំពោះការនេសាទលើសចំណុះ និងកាត់បន្ថយការនាំចូលត្រី ។

នៅក្នុងដីឡូត៍ទំហំ ២ហិចតារបស់អ្នកស្រី អ្នកស្រីមិនត្រឹមតែបង្កាត់ត្រីប៉ុណ្ណោះទេ ប៉ុន្តែអ្នកស្រីបានបង្រៀនដល់មនុស្សជាង ១០០នាក់ មិនឲ្យនេសាទត្រីលើសចំណុះនៅក្នុងសមុទ្រ តែផ្ទុយទៅវិញ ត្រូវចិញ្ចឹមត្រីប្រកបដោយនិរន្តរភាព ។

អ្នកស្រី ចាប់ផ្តើមចិញ្ចឹមត្រីនៅឆ្នាំ ២០១៦ ក្រោយការស្រាវជ្រាវអស់រយៈពេលជាច្រើនឆ្នាំ ដើម្បីស្វែងរកទឹកត្រឹមត្រូវ និងទីតាំងល្អ ។

ដំបូងឡើយ អ្នកស្រីចិញ្ចឹមត្រីតាមលក្ខណៈធម្មតាទេ ប៉ុន្តែនៅក្នុងឆ្នាំ ២០២០ អ្នកស្រីចាប់ផ្តើមភ្ញាស់ត្រីបាន ៥០ម៉ឺនក្បាល ក្នុងរយៈពេល ៣ខែ ។

អតីតបុគ្គលិកធនាគារម្នាកក់នេះ បានចាប់ផ្តើមចិញ្ចឹមត្រី ៥តោននៅរយៈពេល ៦ខែដំបូងក្នុងឆ្នាំ ២០២០ ហើយចំនួននេះ បានកើនឡើងជិត ៣០០តោន ក្នុងឆ្នាំ ២០២៣ ដើម្បីបម្រើវិស័យមន្ទីរពេទ្យ និងវិស័យបុគ្គលិក ។

អ្នកស្រីនិយាយថា ខ្ញុំដឹងច្បាស់ថាបញ្ហាដែលពួកយើងមានជាមួយអសន្តិសុខស្បៀងនៅក្នុងប្រទេសនីហ្សេរីយ៉ា គឺត្រូវស្វែងរកដំណោះស្រាយច្បាស់លាស់ ។ ដូច្នេះហើយ ខ្ញុំបានបង្រៀនសមាជិកក្នុងសហគមន៍ឲ្យចេះចិញ្ចឹមត្រី ដូចជារូបខ្ញុំ ដែរ ។

ការផ្តល់ឱកាសនេះដែរ អ្នកស្រី Killa-Kafidipe បានជួយផ្លាស់ប្តូរអ្នកនេសាទក្នុងសមុទ្រជាង ១៣០នាក់ ឲ្យមកប្រកបរបរចិញ្ចឹមត្រីដោយខ្លួនឯងវិញ៕